আদৰ্শ গাঁৱৰ আৰ্হিৰে ভেলাঘৰ

চহা অসমীয়া সমাজ সাজু হৈছে মাঘৰ বিহুলৈ ৷ নলবাৰী জিলাৰ ঢেকীয়াবাৰীত গাঁৱৰ যুৱকে সাজি উলিয়াইছে এখন আদৰ্শ গাঁৱৰ আৰ্হিৰে ভেলাঘৰ ৷ গাঁৱখনৰ ডেকাসকলে সাজি উলিওৱা এই ভেলাঘৰটিত উৰুকাৰ নিশা লগে ভাগে এসাঁজ খোৱাৰ বাবে সাজু হৈছে অঞ্চলটোৰ স্থানীয় ৰাইজ ৷

নলবাৰী, 2 জানুৱাৰীঃ নাগৰিকত্ব সংশোধনী আইনক লৈ সমগ্ৰ ৰাজ্যত তীব্ৰ প্ৰতিবাদ অব্যাহত থকাৰ মাজতে হেঁপাহৰ ভোগালীক আদৰিবলৈ সাজু হৈছে চহা অসমীয়া সমাজ ৷ ৰাজ্যৰ প্ৰান্তে প্ৰান্তে ভেলাঘৰ সাজি উলিয়াবৰ বাবে সাজু হৈছে ডেকা যুৱকসকল ৷ অনুৰূপভাৱে নলবাৰী জিলাৰ ঢেকীয়াবাৰীতো মাঘৰ বিহুটি পালন কৰিবৰ বাবে হাতত লৈছে পদক্ষেপ ৷ এটা কৃষিজীৱী পৰিয়ালৰ আৰ্হিত এটি ভেলাঘৰ সাজি উলিওৱাৰ বাবে প্ৰচেষ্টা হাতত লৈছে যুৱক কেইজনে ৷

অঞ্চলটোৰ যুৱক কেইজনে নিশা নিশা প্ৰস্তুত কৰিছে এই ভেলাঘৰটি ৷ কৃষি কৰ্মৰ লগত জড়িত নাঙলৰ লগতে গৰুৰ পৰা আৰম্ভ কৰি অসমীয়া সমাজৰ আপুৰুগীয়া সম্পদ ঢেঁকীৰ লগতে বিভিন্ন অত্যাৱশ্যকীয় সামগ্ৰীসমূহ উপস্থাপনৰ ব্যৱস্থা কৰা হৈছে ভেলাঘৰটিত ৷ গাঁৱখনৰ ডেকাসকলে সাজি উলিওৱা এই ভেলাঘৰটিত উৰুকাৰ নিশা লগে ভাগে এসাঁজ খোৱাৰ বাবে সাজু হৈছে অঞ্চলটোৰ স্থানীয় ৰাইজ ৷

লগতে পঢ়কঃপেলনীয়া প্লাষ্টিকেৰে নিৰ্মাণ পৃথিৱীৰ বৃহত্তম 'যতঁৰ'