ৰঙিয়া, 19 জুন : ৰাজ্যজুৰি সৃষ্টি হৈছে জলপ্ৰলয়ৰ (Flood in Assam)৷ ৰাজ্যৰ বিভিন্ন প্ৰান্তৰ লগতে ৰঙিয়াত অব্যাহত আছে বানৰ তাণ্ডৱ ৷ ইয়াৰ মাজতে ৰঙিয়াৰ ঠায়ে ঠায়ে যোৱা 5 দিনৰ পৰা বিদ্যুৎ যোগান সম্পূৰ্ণৰূপে ব্যাহত হৈ আছে (Power supply disrupted in Rangia) ৷ ফলস্বৰূপে তীব্ৰ সমস্যাৰ সন্মুখীন হৈছে ৰঙিয়াৰ বানাক্ৰান্ত ৰাইজ ৷
ইয়াৰোপৰি বিদ্যুৎ ব্যাহত থকাৰ ফলত বহু অঞ্চলত মোবাইলৰ ফোনৰ নেটৱৰ্ক (Cellular network disrupted in Rangia) পোৱা নাই লোকসকলে ৷ বানাক্ৰান্ত অঞ্চকেইটাত সম্পূৰ্ণ যোগাযোগ ব্যৱস্থা বন্ধ হৈ পৰাত চিন্তিত হৈছে লোকসকল ৷ ইফালে বিদ্যুৎ ব্যাহত হৈ থকাত বৈদ্যুৎচালিত পানীৰ মটৰ ব্যৱহাৰ কৰিব নোৱাৰাত একাংশ বিশুদ্ধ খোৱা পানীৰ অভাৱত পৰিছে (Drinking water crisis in Rangia) ।
উপায়ন্তৰ হৈ বানৰ পানী ফিল্টাৰ কৰি খাবলৈ বাধ্য হৈছে বানাক্ৰান্ত লোকসকলে ৷ ইয়াৰোপৰি চিকিৎসালয়সমূহত জৰুৰীকালীন সেৱাসমূহৰ বাহিৰে অন্য বিভাগৰ চিকিৎসাসেৱা বৰ্তমান পৰ্যন্ত ব্যাহত হৈ আছে ৷