নলবাৰী, 21 মে': কৰ'ণা ভাইৰাছৰ সংক্ৰমণ ৰোধৰ বাবে দিয়া লকডাউনৰ বাবে স্থবিৰ হৈ পৰিছে বিভিন্ন উন্নয়নমূলক কামসমূহ ৷ ইয়াৰ মাজতে লকডাউনৰ নিয়ম মানিও বহু কাম কৰিব পৰাকৈ শিথিল কৰা হৈছে নিয়মসমূহৰ ৷ ইয়াৰ পৰিপ্ৰেক্ষিতত বৃহস্পতিবাৰে নলবাৰী জিলাৰ উপায়ুক্ত ভাৰত ভূষণ দেৱ চৌধুৰীয়ে পঞ্চায়ত আৰু গ্ৰামোন্নয়ন বিভাগৰ বিভিন্ন আঁচনিসমূহৰ পৰ্য্যালোচনাৰ বাবে আয়োজন কৰে বিশেষ বৈঠক ৷ জিলা উপায়ুক্তৰ সভাকক্ষত অনুষ্ঠিত হোৱা এই বৈঠকত জিলাখনৰ খণ্ড উন্নয়ন বিষয়াসকলৰ লগত মিলিত হয় নলবাৰী জিলাৰ উপায়ুক্ত গৰাকী ৷ সভাত উপস্থিত থাকে নলবাৰী জিলাৰ বৰভাগ, বৰক্ষেত্ৰী, বড়িগোগ, বনভাগ, মধুপুৰ ,পশ্চিম নলবাৰী, পূৱ নলবাৰী, আৰু টিহুৰ মুঠ 7 টা উন্নয়ন খণ্ডৰ খণ্ড উন্নয়ন বিষয়া ৷
পঞ্চায়ত আৰু গ্ৰামোন্নয়ন আঁচনিৰ পৰ্য্যালোচনা জিলা উপায়ুক্তৰ
জিলা উপায়ুক্তৰ সভাকক্ষত অনুষ্ঠিত হোৱা এই বৈঠকত জিলাখনৰ খণ্ড উন্নয়ন বিষয়াসকলৰ লগত মিলিত হয় নলবাৰী জিলাৰ উপায়ুক্ত গৰাকী ৷ সভাত উপস্থিত থাকে নলবাৰী জিলাৰ বৰভাগ, বৰক্ষেত্ৰী, বড়িগোগ, বনভাগ, মধুপুৰ ,পশ্চিম নলবাৰী, পূৱ নলবাৰী আৰু টিহুৰ মুঠ 7 টা উন্নয়ন খণ্ডৰ খণ্ড উন্নয়ন বিষয়া ৷
নলবাৰীত পঞ্চায়ত আৰু গ্ৰামোন্নয়ন আঁচনিৰ পৰ্য্যালোচনা জিলা উপায়ুক্তৰ
এই সভাত এম জি এনৰেগা, প্ৰধান মন্ত্ৰী গ্ৰাম চড়ক যোজনা, চতুৰ্দশ বিত্তীয় আয়োগ আদিৰ আঁচনিৰ বিষয়ে খণ্ড উন্নয়ন বিষয়া সকলৰ লগত আলোচনা কৰে নলবাৰী জিলাৰ উপায়ুক্ত ভাৰত ভূষণ দেৱ চৌধুৰীয়ে ৷ সভাত উপায়ুক্তগৰাকীয়ে উল্লেখ কৰে যে কোভিড-19 ৰ পৰিপ্ৰেক্ষিতত পঞ্চায়ত আৰু গ্ৰামোন্নয়ন বিভাগৰ গুৰুত্বপূৰ্ণ দায়িত্ব আছে । বহিঃৰাজ্যৰ পৰা উভতি অহা শ্ৰমিক তথা কৰ্মানুৰাগী ব্যক্তিসকলক যাতে এম জি এন ৰেগাৰ জৱকাৰ্ড দি তেওঁলোকৰ জীৱিকা নিশ্চিত কৰিব পাৰি তাৰ বাবে কৰ্মপদ্ধতি যুগুতাবলৈ উপায়ুক্তগৰাকীয়ে খণ্ড উন্নয়ন বিষয়াসকলক নিৰ্দেশ দিয়ে ৷ লগতে এই পৰিকল্পনা দুদিনৰ ভিতৰত দাখিল কৰিবলৈও খণ্ড উন্নয়ন বিষয়াসকলক নিৰ্দেশ দিয়ে উপায়ুক্ত গৰাকীয়ে ৷ তদুপৰি কি অসুবিধাৰ বাবে খণ্ড উন্নয়ন বিষয়াসকলে 100 শতাংশ কাম ৰূপায়ণ কৰিবলৈ সক্ষম হোৱা নাই সেই বিষয়েও দুদিনৰ ভিতৰত জনাবলৈ নিৰ্দেশ দিয়ে উপায়ুক্ত গৰাকীয়ে ৷
লগতে পঢ়কঃ হাজো আৰক্ষীক সম্বৰ্ধনা শিক্ষক সমাজৰ