নলবাৰীত অসম জাতীয়তাবাদী যুৱ ছাত্ৰ পৰিষদৰ 'একাঁজলি শ্ৰদ্ধাঞ্জলি' শীৰ্ষক কাৰ্যসূচী

নলবাৰীত অসম জাতীয়তাবাদী যুৱ ছাত্ৰ পৰিষদৰ উদ্যোগত 'একাঁজলি শ্ৰদ্ধাঞ্জলি' শীৰ্ষক অনুষ্ঠানৰ আয়োজন ৷ মামণি ৰয়ছম গোস্বামীৰ নৱম মৃত্যুবাৰ্ষিকী উপলক্ষে আয়োজন কৰা হয় এই অনুষ্ঠানৰ ৷

নলবাৰী, 29 নৱেম্বৰ : অসম জাতীয়তাবাদী যুৱ ছাত্ৰ পৰিষদ নলবাৰী চহৰ সমিতিয়ে সাহিত্য অকাডেমি বঁটা প্ৰাপক তথা জ্ঞানপীঠ বঁটা বিজয়ী মামনি ৰয়ছম গোস্বামীৰ মৃত্যু তিথি উপলক্ষে 'একাঁজলি শ্ৰদ্ধাঞ্জলি' শীৰ্ষক এক অনুষ্ঠানৰ আয়োজন কৰে । পৰিষদৰ জিলা কাৰ্যালয়ৰ সন্মুখত জ্ঞাপন কৰা শ্ৰদ্ধাঞ্জলি অনুষ্ঠানত উপস্থিত থাকে পৰিষদৰ নলবাৰী জিলা সমিতিৰ সাধাৰণ সম্পাদক কৌশিক বৰ্মন, যুটীয়া সম্পাদক প্ৰাঞ্জল কলিতা, বিত্ত সম্পাদক সুনীল দাস ,পৰিষদৰ চহৰ সমিতিৰ সভাপতি নয়ন শৰ্মা, যুটীয়া সম্পাদক ভাস্কৰ জ্যোতি বৰ্মন, সাংস্কৃতিক সম্পাদিকা মৃদুস্মিতা ৰাজবংশী ।

উল্লেখ্য যে, চহৰ সমিতিৰ সাধাৰণ সম্পাদক হেমেন কলিতাই আঁত ধৰা অনুষ্ঠানটোত পৰিষদৰ বহু সংখ্যক নেতা-কৰ্মীৰ লগতে স্থানীয় ৰাইজ উপস্থিত থাকে ।

লগতে পঢ়ক :চিৰাঙত অচিনাক্ত দুৰ্বৃত্তই লণ্ডভণ্ড কৰিলে নিৰ্বাচনী কাৰ্যালয়