নলবাৰীৰ পদ পথৰ কুকুৰক খাদ্যৰ যোগান স্বেচ্ছাসেৱী সংগঠনৰ

প্ৰভুভক্ত কুকুৰ নিশাৰ ৰাজপথৰ অতন্দ্ৰ প্ৰহৰী । ভোকে-লঘোণে থাকি সকলোকে সুৰক্ষা দিয়া এইবিধ প্ৰাণীক আহাৰ খুৱাবলৈ ওলাই আহিল ইন্দ্ৰধনু বিকাশ মঞ্চ ৷

নলবাৰী,1 নৱেম্বৰঃ আপুনি ৰাজপথত হয়টো বহু 'প্ৰভুভক্ত' কুকুৰ দেখিবলৈ পায় ৷ পিচে নিশাৰ ৰাজপথৰ অতন্দ্ৰ প্ৰহৰী এই প্ৰাণীবিধৰ বিষয়ে এবাৰ ভাবেনে ? আপোনাক,মোক আৰু বিভিন্নজনক নিশা পহৰা দিয়া এই প্ৰভুভক্ত প্ৰাণীবিধে ভোকে-লঘোণে থাকি সকলোকে সুৰক্ষা দিয়ে। পিচে নলবাৰীত দেখা পোৱা গ'ল এখন বিপৰীত ছবি। নিশা পথৰ দাঁতিত থকা কুকুৰক এসাজ খুৱাবলৈ ওলাই আহিল এটা বেচৰকাৰী সংস্থা ।

লগতে পঢ়কঃৰাস উদযাপনৰ বাবে সাজু হৈছে মাজুলীবাসী

জীৱকুলৰ বিষয়ে চিন্তা কৰিবলৈ নলবাৰীত ওলাই আহিছে এচাম ডেকা গাভৰু। এটি স্বেচ্ছাসেৱী অনুষ্ঠানৰ জৰিয়তে এওঁলোকে বাটৰ কুকুৰক খুৱাইছে খাদ্য । ইন্দ্ৰধনু বিকাশ মঞ্চৰ সৌজন্যত নলবাৰী চহৰ এলেকাৰ ভিন্ন প্ৰান্তত নিশাৰ প্ৰহৰী জীৱ কুলৰ মাজত খাদ্য বিতৰণ কৰে বেচৰকাৰী সংস্থাটোৱে ৷