অভিনেত্ৰী চেতনা দাসলৈ 2019 বৰ্ষৰ প্ৰজন্ম বঁটা প্ৰদান

বিশিষ্ট অভিনেত্ৰী চেতনা দাসলৈ "প্ৰজন্ম" বঁটা প্ৰদান,নলবাৰীৰ জিলাৰ বাটসৰত "প্ৰজন্ম"ৰ উদ্যোগত ২০১৯ প্ৰজন্ম বঁটা" প্ৰদান, বিশিষ্ট অভিনেত্ৰী চেতনা দাসলৈ প্ৰদান কৰা হয় এই বঁটা,উপায়ুক্ত ভাৰত ভূষণ দেৱচৌধুৰীয়ে অভিনেত্ৰী গৰাকীক এই বঁটা প্ৰদান কৰে

নলবাৰী, 11 নৱেম্বৰ: নলবাৰী জিলাৰ বাটসৰত "প্ৰজন্ম"ৰ উদ্যোগত সদৌ অসম ভিত্তিত চতুৰ্থ বাৰ্ষিক একাংক নাট প্ৰতিযোগিতা অনুষ্ঠিত হয় ৷ উক্ত অনুষ্ঠানত প্ৰজন্মই তেওঁলোকৰ "২০১৯ প্ৰজন্ম বঁটা" প্ৰদান কৰে । অসমৰ চলচিত্ৰ জগতৰ বিশিষ্ট অভিনেত্ৰী চেতনা দাসলৈ প্ৰদান কৰা হয় এই বঁটা । বঁটাত দিয়া হয় ফুলাম জাপি,গামোচা,শৰাই,মানপত্ৰ,বকুল ফুলৰ পুলিৰ লগতে নগদ পাঁচ হাজাৰ টকা ৷

জিলা উপায়ুক্ত ভাৰত ভূষণ দেৱচৌধুৰীয়ে অভিনেত্ৰী গৰাকীক এই বঁটা প্ৰদান কৰে । উল্লেখ্য যে,দুদিনীয়াকৈ অনুষ্ঠিত হোৱা এই নাট প্ৰতিযোগিতাত অসমৰ ১১ টাকৈ নাট্য দলে অংশ গ্ৰহণ কৰে । অভিনেত্ৰীগৰাকীয়ে উদ্যোক্তা সমিতিক ধন্যবাদ জ্ঞাপন কৰে ৷

লগতে চাওকঃ শৰৎ কালৰ পূৰ্ণিমাৰ ৰাতি কৃষ্ণৰ সুমধুৰ বাঁহীৰ সুৰত মতলীয়া হ'ব ৰাজ্যৰ ভক্তগণ..