নলবাৰী,28 মেঃ ইতিমধ্যে ৰাজ্যত প্ৰথমটো বানতেই ডুব গৈছে কেইবাখনো জিলাৰ বিস্তীৰ্ণ অঞ্চল । সমান্তৰালকৈ নলবাৰীতো বানত ডুব গৈছে চহৰ খনৰ পৰা 12 কিলোমিটাৰ নিলগৰ দিহজাৰী গাঁৱৰ দক্ষিণ চুবুৰী আৰু বৈশ্য চুবুৰী । বছৰটোৰ অধিক সংখ্যক সময় বানৰ কবলত পৰাৰ বাবে দুৰ্ভোগ ভুগিবলগীয়া হৈছে অঞ্চলটোৰ ৰাইজে । কৃষিভূমি ক্ষতিগ্ৰস্ত হোৱাৰ উপৰিও মৃত্যুমুখত পৰিছে পশুধন । বানাক্ৰান্ত ৰাইজৰ সহায়ৰ বাবে চৰকাৰ তথা স্থানীয় বিধাকক অঞ্চলটোৰ ৰাইজে কেইবা বাৰো আহ্বান জনাইছে যদিও আজিপৰ্যন্ত কোনো পদক্ষেপ গ্ৰহণ কৰা নাই চৰকাৰে । খবৰ ল'বলৈ আহৰি নাই স্থানীয় বিধায়ক অশোক শৰ্মা তথা সাংসদ দিলীপ শইকীয়াৰ ।
নলবাৰীৰ দিহজাৰী গাঁৱৰ দক্ষিণ চুবুৰী আৰু বৈশ্য চুবুৰী বানৰ কবলত