নলবাৰীৰ বৰভাগত অগ্নিকাণ্ডঃ ভস্মীভূত প্ৰায় 4 লক্ষাধিক টকাৰ সামগ্ৰী

নলবাৰীস্থিত বৰভাগৰ উখুৰা চ'কৰ পৰেশ ডেকা নামৰ লোকগৰাকীৰ, 'আঞ্চলিক টেন্ট হাউছ' নামৰ ব্যৱসায়িক প্ৰতিষ্ঠানত সংঘটিত হয় এক ভয়াৱহ অগ্নিকাণ্ড ৷ অগ্নিকাণ্ডত ভস্মীভূত প্ৰায় চাৰি লক্ষাধিক টকাৰ সামগ্ৰী ৷

বৰভাগ, 15 ফেব্ৰুৱাৰীঃনলবাৰীস্থিত বৰভাগৰ উখুৰা চ'কত সংঘটিত হয় এক ভযাৱহ অগ্নিকাণ্ড ৷ চ'কটোত থকা পৰেশ ডেকাৰ আঞ্চলিক টেন্ট হাউছ নামৰ ব্যৱসায়িক প্ৰতিষ্ঠানটোৰ, গুদাম ঘৰত জ্বলি থকা চাকিৰ পৰা এই অগ্নিকাণ্ডৰ সুত্ৰপাত হোৱাৰ সন্দেহ ৷ জানিব পৰা মতে, অগ্নিকাণ্ডৰ ফলত টেন্ট হাউছত ব্যৱহৃত চাৰি লক্ষাধিক টকাৰ সামগ্ৰী ভস্মীভূত হয় ৷ স্থানীয় ৰাইজৰ সহযোগিতাত অগ্নিনিৰ্বাপক বাহিনীৰ লোকে নিৰ্বাপণ কৰে জুই ৷ অগ্নিকাণ্ডৰ ফলত ক্ষতি হোৱা নাই কোনো লোকৰ ৷

লগতে পঢ়কঃনুমলীগড়ত দপদপাই জ্বলি উঠিল তেলভৰ্তি টেংকাৰ