নলবাৰী, ৬ এপ্ৰিল : আগন্তুক লোকসভা নিৰ্বাচনৰ বাবে প্ৰচাৰ অভিযান তুংগত চলি থকাৰ সময়তে শনিবাৰে বৰক্ষেত্ৰীত উপস্থিত হয় গুৱাহাটী লোকসভা সমষ্টিৰ কংগ্ৰেছৰ দলৰ প্ৰাৰ্থী ববিতা শৰ্মা । বৰক্ষেত্ৰী বিধানসভা সমষ্টিৰ আদাবাৰী, লোহাৰকাঠা, মুকালমুৱা, ৰামপুৰ আদি ঠাইত অনুস্থিত হোৱা নিৰ্বাচনী সভাত অংশগ্ৰহণ কৰে কংগ্ৰেছ প্ৰাৰ্থী ববিতা শৰ্মা । বৰক্ষেত্ৰীৰ মুকালমুৱাৰ ৰাজীৱ ভৱনত অনুষ্ঠিত হোৱা এখন নিৰ্বাচনী প্ৰচাৰ সভাত শৰ্মাই অংশগ্ৰহণ কৰি গুৱাহাটী লোকসভা সমষ্টিৰ বিজেপি প্ৰাৰ্থী কুইন ওজাৰ শিক্ষাগত অৰ্হতাক লৈ প্ৰতিক্ৰিয়া প্ৰকাশ কৰাৰ লগতে মোডী চৰকাৰে জনসাধৰণক কি দিলে তাক বিবেচনা কৰি ভোট দিবলৈ আহ্বান জনালে । আনহাতে, জনসাধৰণক কংগ্ৰেছক ৫ বছৰ সময় দি চাবলৈও আহ্বান জনোৱাৰ উপৰিও বিজেপিক তীব্ৰভাৱে সমালোচনা কৰিলে কংগ্ৰেছ প্ৰাৰ্থীগৰাকীয়ে ।
বৰক্ষেত্ৰীত প্ৰচাৰ অভিযানত ব্যস্ত কংগ্ৰেছৰ দলৰ প্ৰাৰ্থী ববিতা শৰ্মা