নলবাৰী,৩০ মে': নলবাৰীত অব্যাহত আছে মহামাৰী কৰ'ণাৰ সংহাৰ । দিনক দিনে দ্ৰুতগতিত বৃদ্ধি পাই আহিছে মহামাৰীৰ সংক্ৰমণ । শনিবাৰে জিলাখনত ৮৪ গৰাকী লোক মহামাৰীত আক্ৰান্ত হয় । ইয়াৰ লগে লগে জিলাখনত আক্ৰান্তৰ সংখ্যা ৫,০৫৩ গৰাকীলৈ বৃদ্ধি পায় । বৰ্তমান জিলাখনত ১,৪২৯ টা ঘটনা সক্ৰিয় হৈ আছে । ইফালে, হোম আইছ’লেচনত বৰ্তমানে জিলাখনত আছে ১,১৬৭ গৰাকী ৰোগী ৷
আনহাতে, নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত ১০৩ গৰাকী, বেলশৰ মডেল হাস্পতালত ২৩ গৰাকী আৰু মাখিবাহা আদৰ্শ হাস্পতালত আছে ১৯ গৰাকী আৰু মহাত্মা গান্ধী মডেল হাস্পতাল খাতিকুছিত ৩৭ গৰাকী আৰু সাৰথি হাস্পতালত ১৮ গৰাকী ৰোগী চিকিৎসাধীন হৈ আছে ।