নলবাৰী, 12 মে': সমগ্ৰ দেশৰ লগতে অসমতো মহামাৰী কৰ'ণা ভাইৰাছৰ দ্বিতীয় ঢৌৰ বিভীষিকা অব্যাহত আছে । ৰাজ্যৰ ভিতৰতে শীৰ্ষ চাৰি নম্বৰ স্থানত থকা জিলা নলবাৰীতো কৰ'ণাৰ সংক্ৰমণ তীব্ৰ গতিত বৃদ্ধি পাইছে । কৰ'ণাৰ দ্বিতীয় ঢৌত জিলাখনত মংগলবাৰৰ দিনটোত ২১৯ গৰাকী লোক নতুনকৈ আক্ৰান্ত হয় । ফলত মুঠ আক্ৰান্তৰ সংখ্যা ২৬৯৪ গৰাকীলৈ বৃদ্ধি পাইছে ।
ইয়াৰে নতুনকৈ আক্ৰান্তসকলৰ ভিতৰত ৰেপিড টেষ্টত (RAPID) ২০০ গৰাকী আৰু আৰ টি পি চি আৰ (RTPCR) ত ১৯ গৰাকী লোকৰ দেহত কৰ'ণাৰ অৱস্থিতি ধৰা পৰে । মঙলবাৰৰ পৰ্যন্ত জিলাখনত ১৮৬১ টা ঘটনা সক্ৰিয় হৈ আছে । ইফালে, হোম আইছলেশ্যনত আছে ১৬৩৩ গৰাকী ।