বাৰঘৰীয়া বাৰগোপাল থানত 121 সংখ্যক ভোগালী মহোৎসৱ উদযাপন

নলবাৰীৰ বাৰঘৰীয়া বাৰগোপাল থানত উদযাপন কৰা হ’ল 121 সংখ্যক ভোগালী মহোৎসৱ ৷ 121 বছৰ পূৰ্বে বাৰ ঘৰ মানুহে মিলি এই থানখন স্থাপন কৰিছিল যাৰ বাবে ইয়াৰ নাম দিয়া হৈছিল বাৰঘৰীয়া বাৰ গোপাল থান ৷

নলবাৰী,14 জানুৱাৰী: তিনিদিনীয়া কাৰ্যসূচীৰে উলহ মালহেৰে উদযাপন কৰা হৈছে নলবাৰীৰ বাৰঘৰীয়া বাৰগোপাল থানৰ ভোগালী মহোৎসৱ । বাৰঘৰীয়া বাৰগোপাল থানত এইবেলি উদযাপন কৰা হৈছে 121 সংখ্যক ভোগালী মহোৎসৱ ৷ প্ৰতিবছৰে দোমাহীৰ দিনটোত ৰাজ্যৰ বিভিন্ন প্ৰান্তৰ ভক্তই আহি ভিৰ কৰেহি এই থানখনত ৷ জনশ্ৰুতি মতে, এই থানখনত ভক্তই যি আশাৰে বন্তি জ্বলায় সেই আশাই পূৰ্ণ হয় ৷

উল্লেখ্য যে, 121 বছৰ পূৰ্বে বাৰ ঘৰ মানুহে মিলি এই থানখন স্থাপন কৰিছিল যাৰ বাবে ইয়াৰ নাম দিয়া হৈছিল বাৰঘৰীয়া বাৰ গোপাল থান ৷ প্ৰতিবছৰে লক্ষাধিক ভক্তৰ সমাগম হোৱা অনুষ্ঠানটিত নাই পৰ্যাপ্ত সুবিধা ৷ যাৰ বাবে থানখন উন্নত পৰ্যটনস্থলী হিচাপে গঢ়ি তোলাৰ বাবে চৰকাৰৰ পৰ্যটন বিভাগক অনুৰোধ জনাইছে উদ্যোক্তাসকলে ৷

লগতে পঢ়ক-চিকাৰী তিছ'লৈ লিংগুইষ্টিক ছ’চাইটি অৱ আমেৰিকাৰ বঁটা প্ৰদান