নলবাৰীত অসম জাতীয়তাবাদী যুৱ ছাত্ৰ পৰিষদৰ প্ৰতিবাদ

নলবাৰীত প্ৰতিবাদী সমদলেৰে জাতীয়তাবাদী যুৱ-ছাত্ৰ পৰিষদে পুনৰ আৰম্ভ কৰিলে কা আন্দোলন ৷ প্ৰতিগৰাকী শ্বহীদলৈ শ্ৰদ্ধাঞ্জলি জনাই প্ৰতিবাদী সমদলেৰে দেহত শেষ বিন্দু তেজ থকা লৈকে যুঁজ দিয়াৰ হুংকাৰ অসম জাতীয়তাবাদী যুৱ-ছাত্ৰ পৰিষদৰ নলবাৰী জিলা সমিতি ৷

নলবাৰী,11 ডিচেম্বৰ: নাগৰিকত্ব সংশোধনী আইন বাতিলৰ দাবীৰে এবছৰৰ পাছত পুনৰ ৰাজপথলৈ আহিল অসমৰ জাতীয় দল সংগঠন ৷ জাতিধ্বংসী নাগৰিকত্ব আইন বাতিলৰ দাবীৰে কঠোৰ সকীয়নি চৰকাৰলৈ ৷ শুকুৰবাৰে নলবাৰীত প্ৰতিবাদী সমদলেৰে পুনৰ আৰম্ভ কৰে কা বিৰোধী আন্দোলন ৷ কা আন্দোলনৰ প্ৰতিগৰাকী শ্বহীদলৈ শ্ৰদ্ধাঞ্জলি জনাই নলবাৰী চহৰৰ মাজেৰে এক প্ৰতিবাদী সমদল উলিয়াই অসম জাতীয়তাবাদী যুৱ-ছাত্ৰ পৰিষদৰ নলবাৰী জিলা সমিতিয়ে ৷

নলবাৰীত অসম জাতীয়তাবাদী যুৱ ছাত্ৰ পৰিষদৰ প্ৰতিবাদ

তাৰ সমান্তৰালভাৱে প্ৰধানমন্ত্ৰী নৰেন্দ্ৰ মোদী হায় হায়, সৰ্বানন্দ সোনোৱাল হায় হায়, কা আমি নামানো, শ্বহীদৰ তেজ অথলে যাব দিয়া নহ'ব আদি শ্ল'গানেৰে নলবাৰীৰ চহৰ উত্তাল কৰি তোলে ৷ প্ৰতিবাদী সমদলেৰে পুনৰ আৰম্ভ কৰা কা বিৰোধী আন্দোলনত দেহত শেষ বিন্দু তেজ থকা লৈকে যুঁজ দিয়াৰ হুংকাৰ সংগঠনটোৰ নেতৃবৃন্দৰ ৷

লগতে পঢ়ক:অসম আন্দোলনৰ শ্বহীদক সুঁৱৰি ডিব্ৰুগড়ত শ্বহীদ বেদী উন্মোচন