নলবাৰীত দুৰ্বৃত্তই জ্বলাই দিলে কাঠৰ দলং

ব্যাহত এটা অঞ্চলৰ যাতায়ত

নলবাৰী, ১০ ফেব্ৰুৱাৰী: শনিবাৰে নিশা নলবাৰীৰ আমনি বাবাৰ থানৰ সমীপৰ বুঢাদিয়া নদীৰ কাঠৰ দলংখন অচিনাক্ত দুৰ্বৃত্তই জ্বলাই দিয়ে। দলংখন জ্বলাই দিয়াৰ বাবে দুয়োপাৰৰ যোগাযোগ বিচ্ছিন্ন হৈ পৰিছে।

দীৰ্ঘদিন ধৰি জৰাজীৰ্ণ অৱস্থাত থকা কাঠৰ দলংখন মেৰামতিৰ বাবে স্থানীয় বিধায়ক তথা মন্ত্ৰী চন্দ্ৰমোহন পাটোৱাৰীক ৰাইজে বাৰম্বাৰ দাবী জনাই আহিছিল।

কিন্তু ৰাইজৰ দাবীক আওকাণ কৰি চৰকাৰে দলংখন মেৰামতিৰ ব্যৱস্থা নকৰাত কেইমাহ মান পূৰ্বে ৰাইজে নিজৰ গাঁঠিৰ ধন ভাঙি দলংখন মেৰামতি কৰিছিল । উল্লেখ্য যে দলংখনৰ সমীপতে থকা আমনি বাবাৰ থানৰ সভাৰ সময়ত প্ৰায় অৰ্ধলক্ষাধিক ভক্তই এই দলংখনৰ ওপৰেৰে যাতায়ত কৰে ।

কিন্তু শনিবাৰে নিশা কোনো দুৰ্বৃত্তই দলংখন জ্বলাই দিয়াত বৃহত্তৰ অঞ্চলটোত যাতায়ত ব্যাহত হৈ পৰে ।