নলবাৰীৰ এখন মনসা পূজাত ভিৰ কৰিলেহি বিজেপি মন্ত্ৰী-বিধায়কে

ৰাজ্যিক বিজেপিৰ সাংগঠনিক সাধাৰণ সম্পাদক ফণী শৰ্মাৰ নলবাৰীস্থিত বাসগৃহত দেওবাৰে আয়োজন কৰা মনসা পূজাত উপস্থিত হয় বিজেপিৰ ভালেসংখ্যক মন্ত্ৰী-বিধায়ক ৷ মা-মনসাৰ ওচৰত আশিস লয় প্ৰতিগৰাকী নেতা-কৰ্মীয়ে ৷

নলবাৰী,17 জানুৱাৰী : নলবাৰীৰ এখন মনসা পূজাত দেওবাৰে ভিৰ কৰিছে বহু কেইগৰাকী নেতা-মন্ত্ৰীয়ে ৷ বৰ আজৰাত ৰাজ্যিক বিজেপিৰ সাংগঠনিক সাধাৰণ সম্পাদক ফণী শৰ্মাৰ বাসগৃহত আয়োজন কৰা মনসা পূজাত বহু বিজেপি মন্ত্ৰী-বিধায়ক উপস্থিত হোৱা পৰিলক্ষিত হৈছে ৷

পুৱাৰে পৰা পূজাস্থলীত ভিৰ কৰিছে অসংখ্য লোকে ৷ যেন মিনি দিছপুৰত পৰিণত হৈছে এই পূজাথলীখন ৷

পূজাত উপস্থিত হৈছে মন্ত্ৰী ড৹ হিমন্ত বিশ্ব শৰ্মা, জয়ন্ত মল্ল বৰুৱা, বিশ্বজিৎ দৈমাৰী, ভূৱনেশ্বৰ কলিতা, পবিত্ৰ মাৰ্ঘেৰিটা, গায়ত্ৰী মহন্ত, বিধায়িকা নৱনীতা সন্দিকৈকে ধৰি বহু মন্ত্ৰী-বিধায়ক ৷ প্ৰতিগৰাকীয়ে মা-মনসাৰ ওচৰত আশিস লোৱা পৰিলক্ষিত হয় ৷

লগতে পঢ়ক :বাক্সা জিলাত দিনযোৰা কাৰ্যসূচীৰে উদযাপন শিল্পী দিৱস