নলবাৰী, ৪ ডিচেম্বৰ:নলবাৰীৰ ৩১ নং ৰাষ্ট্ৰীয় ঘাইপথত দেওবাৰে মন্ত্ৰী সঞ্জয় কিষাণৰ কনভয়ৰ চালক-দেহৰক্ষী আৰু নলবাৰী আৰক্ষীৰ এজন বিষয়াৰ মাজত সংঘটিত হয় মাৰপিটৰ ঘটনা ৷ ৰাষ্ট্ৰীয় ঘাইপথত মন্ত্ৰী সঞ্জয় কিষাণৰ কনভয়ৰ চাৰিখনকৈ বাহন দুৰ্ঘটনাত পতিত হোৱাৰ পাছতেই সংঘটিত হয় এই হতাহতি তথা খণ্ডযুদ্ধ(Minister Sanjoy Kishan convoy crashed in Nalbari) ৷ এই খণ্ডযুদ্ধই অৱশেষত আহি পায়হি নলবাৰী সদৰ থানা ।
ৰাজপথত মন্ত্ৰীৰ দেহৰক্ষী আৰু আৰক্ষী জোৱানৰ মাজত খণ্ডযুদ্ধ
জানিব পৰা অনুসৰি, নলবাৰীৰ ৩১ নং ৰাষ্ট্ৰীয় ঘাইপথত দেওবাৰে মন্ত্ৰী সঞ্জয় কিষাণৰ কনভয়ৰ গাড়ীয়ে এখন ৱেগনআৰ গাড়ীক বচাবলৈ গৈ চাৰিখনকৈ কনভয়ৰ গাড়ী দূৰ্ঘটনাত পতিত হয় । ইয়াৰ পাছতেই ৱেগনআৰত চিভিল ড্ৰেছত থকা দুজন ব্যক্তিয়ে নিজকে আৰক্ষীৰ জোৱান বুলি পৰিচয় দি মন্ত্ৰী সঞ্জয় কিষাণৰ নিৰাপত্তাৰ দায়িত্বত থকা দেহৰক্ষীসকলক দুৰ্ব্যৱহাৰ কৰে(Minister Sanjoy Kishans bodyguard) ।