নলবাৰী, 2 অক্টোবৰ:সোমবাৰে নলবাৰীৰ সৰিয়হস্থলীত নলবাৰী তাৰকাগৃহ চৌহদত স্থাপন কৰা হ'ল গ্ৰাম্য বিপণন ক্ষেত্ৰ । গ্ৰাম্য বিপণনৰ লগতে মুকলি কৰা হ'ল থলুৱা খাদ্য সম্ভাৰেৰে পৰিপূৰ্ণ এখনি কেন্টিন । মুকলি কৰে মন্ত্ৰী জয়ন্তমল্ল বৰুৱাই । অসম ৰাজ্যিক গ্ৰামীণ জীৱিকা অভিযান, নলবাৰীৰ উদ্যোগত মুকলি হোৱা বিপণন ক্ষেত্ৰখনত উপলব্ধ হ'ব বিভিন্ন মহিলা আত্মসহায়ক গোটৰ দ্বাৰা উৎপাদিত ভিন্ন সামগ্ৰী ৷ আনহাতে, কেন্টিনত উপলব্ধ হ'ব মহিলা আত্মসহায়ক গোটসমূহে তৈয়াৰ কৰা ভিন্ন থলুৱা খাদ্য সম্ভাৰ ।
সোমবাৰে কেন্টিন মুকলি কৰি মন্ত্ৰী জয়ন্তমল্ল বৰুৱাই কয়, ‘‘অমৃত কলহ যাত্ৰাক সমালোচনা কৰা সকল ৰাষ্ট্ৰদোহী, জাতিদ্ৰোহী । তেওঁলোক বাংলাদেশী প্ৰেমী । শিক্ষাৰ্থীসকলৰ জাতিপ্ৰেম থাকিব নালাগে নেকি !’’ এই প্ৰশ্ন মন্ত্ৰী জয়ন্তমল্ল বৰুৱাৰ । এই অমৃত কলহৰ যাত্ৰাত শিক্ষাৰ্থীক জড়িত কৰোৱাক লৈ হোৱা সমালোচনাৰ প্ৰত্যুত্তৰ দিয়ে মন্ত্ৰী জয়ন্তমল্ল বৰুৱাই ।