নলবাৰী, 2 নৱেম্বৰ :"মামা তুমি হুচিয়াঁৰ" ধ্বনিৰে আজি বৃহস্পতিবাৰেও উত্তাল নলবাৰী । নলবাৰীত চলি থকা ৰন্ধন কৰ্মীৰ প্ৰতিবাদৰ আজি দ্বিতীয় দিন ৷ দ্বিতীয় দিনটোত এক উত্তপ্ত পৰিস্থিতিৰ সৃষ্টি হয় মুকালমুৱাত । শ শ ৰন্ধন কৰ্মী প্ৰতিবাদকাৰীয়ে বৰক্ষেত্ৰী প্ৰাথমিক শিক্ষা খণ্ডৰ সমল কেন্দ্ৰৰ সন্মুখত প্ৰতিবাদ সাব্যস্ত কৰোঁতে আৰক্ষীয়ে বাধা প্ৰদান কৰে ।
প্ৰতিবাদকাৰী মহিলাসকলে আৰক্ষীৰ বাধাক নেওচি কাৰ্যালয়ৰ ভিতৰত প্ৰৱেশ কৰিব খোঁজোতে আৰক্ষীৰে হতাহতিত লিপ্ত হয় । উল্লেখযোগ্য যে, ৰন্ধন কৰ্মীৰ নিম্নতম মজুৰীৰে পৰিয়াল পোহপালত বাধাৰ সন্মুখীন হৈ চৰকাৰৰ ওচৰত মজুৰী বৃদ্ধিৰ দাবীৰে আজিও অব্যাহত আছে ৰন্ধন কৰ্মীৰ প্ৰতিবাদ । বুধবাৰে গেট বন্ধ কৰি প্ৰতিবাদ সাব্যস্ত কৰাৰ পিচত বৃহস্পতিবাৰে পুনৰ বৰক্ষেত্ৰী খণ্ড সমল কেন্দ্ৰৰ সন্মুখত শ শ ৰন্ধন কৰ্মীয়ে তেওঁলোকৰ দাবীসমূহ চৰকাৰে পূৰণ কৰাৰ দাবীৰে সাব্যস্ত কৰিছিল প্ৰতিবাদ।