নলবাৰী, 28 জুনঃনলবাৰীত বুঢ়াদিয়া আৰু পাগলাদিয়া নৈৰ বঢ়নী পানীয়ে ধাৰণ কৰিছে সংহাৰী ৰূপ ৷ ফলত পশ্চিম নলবাৰীৰ বিস্তীৰ্ণ অঞ্চল এতিয়া প্লাবিত কৰিছে নৈ দুখনৰ বাঢ়নী পানীয়ে ৷ শোলমাৰা, লখোপুৰ, হেলচা, কঠলা, পুখুৰা, বালিবজাৰ আদিকে ধৰি কেইবাখনে গাঁৱৰে ৰাইজ এতিয়া সংকটত ৷
আনহাতে টিহুটো বানে বিস্তৰ কৃষিভূমি ক্ষতিসাধন কৰাৰ লগতে, কঠীয়া আদিও নষ্ট কৰিছে ৷ ইয়াৰোপৰি এই বানৰ ফলত মৎস্য জীৱিকাৰ লগত জড়িত লোকলৈ নামি আহিছে সংকট ৷ কিয়নো ইতিধ্যেই বাঢ়নী পানীৰ ফলত পুখুৰীৰ পৰা ওলাই গৈছে বহু মাছ ৷ শংকিত বানাক্ৰান্ত লোকে এতিয়া নিজৰ ঘৰ এৰি আহিবলগীয়া হৈছে অন্য স্থানলৈ ৷ বিধ্বংসী বানে পশুধন সমূহলৈ কঢ়িয়াই আনিছে সংকট ৷ উল্লেখ্য যে, ইমানৰ পিচতো কিন্তু বানাক্ৰান্ত লোকৰ মাজলৈ কোনো এগৰাকী চৰকাৰ অথবা প্ৰশাসনৰ লোক অহা নাই বুলি অভিযোগ উত্থাপন হৈছে ৷ কৃষিকাৰ্য আৰম্ভ কৰাৰ পূৰ্বেই এতিয়া কৃষিজীৱী লোকলৈ নামি অহা এই সংকটে এক হাহাকাৰ পৰিস্থিতিৰ সৃষ্টি কৰিছে অঞ্চলটোত ৷
লগতে পঢ়কঃআমগুৰিত জলবন্দী তিনিশ পৰিয়াল