নলবাৰী, 24 মে': নলবাৰী বন বিভাগৰ বৃহৎ অভিযান ৷ নলবাৰী মুকালমুৱাত এখন বাৰ চকীয়া ট্ৰাক(AS23BC 6214) সহ জব্দ কৰা হয় মুল্যবান কাঠ ৷ নলবাৰী মুকালমুৱাত সান্ধ্য আইন আৰু লক ডাউনৰ সুযোগ লৈ একাংশ অসাধু ব্যৱসায়ী চলাই গৈছিল অবৈধ কাঠৰ ৰমৰমীয়া ব্যৱসায় ৷
নলবাৰী আৰক্ষী আৰু বন সংমণ্ডল বিষয়া দীপক ডেকাৰ নেতৃত্বত এক গোপন সুত্ৰৰ ভিত্তিত নলবাৰী মুকালমুৱাৰ কাপালবড়িৰ এখন কাঠৰ দোকানত ট্ৰাক খনৰ পৰা অবৈধ কাঠ খিনি নমাই থকা অৱস্থাত বন বিষয়া আৰু আৰক্ষীয়ে উপস্থিত হৈ কাঠ সহ জব্দ কৰে ট্ৰাকখন ৷