নলবাৰী, 11 জানুৱাৰী : নলবাৰী জিলাৰ মুকালমুৱা আৰু দৌলাশাল আৰক্ষীয়ে সোমবাৰে কাপলাবড়ী আৰু নাৰুৱা অঞ্চলত অভিযান চলাই বৃহৎ পৰিমাণৰ বিলাতী সুৰা জব্দ কৰে ৷ জব্দ কৰা সুৰাখিনিৰ মূল্য প্ৰায় 35 হাজাৰ টকা বুলি আৰক্ষী সূত্ৰে জানিব পৰা হৈছে ৷ অৱশ্যে আৰক্ষীৰ অভিযানৰ সময়ত সুৰাৰ ব্যৱসায়ী কেইজন পলায়ন কৰিবলৈ সক্ষম হয় ৷
মুকালমুৱাৰ কাপলাবড়ীত 25 কাৰ্টন বিলাতী সুৰা জব্দ মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া যুগল কিশোৰ কলিতা আৰু দৌলাশাল আৰক্ষী চকীৰ ভাৰপ্ৰাপ্ত আৰক্ষী বিষয়াৰ নেতৃত্বত আৰক্ষীৰ দলে বিভিন্ন অঞ্চলত অভিযান চলাই জব্দ কৰে সুৰাখিনি । অঞ্চলকেইটাৰ স্থানীয় ৰাইজ তথা দল সংগঠনে দীৰ্ঘদিন ধৰি এচাম অসাধু চক্ৰই সুৰাৰ লগতে বিভিন্ন নিচাজাতীয় সামগ্ৰীৰ অবৈধ বেহা চলোৱাৰ অভিযোগ কৰিছিল ৷ স্থানীয় ৰাইজৰ অভিযোগৰ ভিত্তিত সোমবাৰে আৰক্ষীয়ে অভিযান চলাই জব্দ কৰে সুৰাখিনি ।
লগতে পঢ়ক :প্ৰকৃততে অসমৰ মুখ্যমন্ত্ৰী কোনঃ জিতেন্দ্ৰ সিং
