নলবাৰী, 27 এপ্ৰিল : ‘‘অখিল গগৈ আদৰ্শহীন । অখিল গগৈ বিক্ৰী যোৱা নেতা । অখিল গগৈৰ প্ৰতি আমাৰ মোহভংগ হৈছে ৷ সেয়ে আমি ত্যাগ কৰিছো কৃষক মুক্তি সংগ্ৰাম সমিতি’’ -এই মন্তব্য কৃষক মুক্তি সংগ্ৰাম সমিতিৰ প্ৰাক্তন সদস্যৰ ৷
মঙলবাৰে নলবাৰীত ৰাইজৰ দলৰ আৰু কৃষক মুক্তি সংগ্ৰাম সমিতিৰ বহু সদস্যই সমূহীয়াকৈ পদত্যাগ কৰি যোগদান কৰে আম আদমী পাৰ্টীত (AAP Joining program in Nalbari) । আম আদমী পাৰ্টীত যোগদান কৰি অখিল গগৈ আৰু কৃষক মুক্তি সংগ্ৰাম সমিতিৰ বিৰুদ্ধে সৰৱ হৈ পৰে একাংশ কৃষক মুক্তি সংগ্ৰাম সমিতিৰ সদ্য পদত্যাগী নেতা-কৰ্মীয়ে (Many kmss and Raijor dol workers from Nalbari joined AAP) । তেওঁলোকে অভিযোগ কৰা অনুসৰি, ৰাইজৰ দলত চলিছে অখিল গগৈৰ স্বেচ্ছাচাৰিতা ।
ৰাইজৰ দল আৰু কৃষক মুক্তি সংগ্ৰাম সমিতিৰ পৰা আপলৈ বৈছে জনতাৰ সোঁত