নলবাৰী, 4 জুলাই : ভক্তৰ বাবে পুনৰ অনিৰ্দিষ্ট কাললৈ বন্ধ থাকিব নলবাৰীৰ বেলশৰৰ ঐতিহাসিক বিল্বেশ্বৰ দেৱালয়ৰ মুখ্য দ্বাৰ ৷ তিনিমাহ লক ডাউনৰ অন্তত চৰকাৰী নীতি-নিৰ্দেশনা অনুসৰি দেৱালয়ৰ দুৱাৰ খুলা দিয়া হৈছিল যদিও কৰ’ণাৰ গণ সংক্ৰমণৰ প্ৰতি লক্ষ্য ৰাখি দেৱালয় কৰ্তৃপক্ষই গ্ৰহণ কৰিছে এই সিদ্ধান্ত ৷
পুনৰ বন্ধ ঐতিহাসিক বিল্বেশ্বৰ দেৱালয়ৰ মূখ্য দ্বাৰ
উল্লেখ্য যে, শনিবাৰৰ পৰা অনিৰ্দিষ্ট কাললৈ বন্ধ কৰি দিয়া হয় বিল্বেশ্বৰ দেৱালয়ৰ মূল দুৱাৰ ৷ দেৱালয় কৰ্তৃপক্ষৰ এক গুৰুত্বপূৰ্ণ বৈঠকত লোৱা এই সিদ্ধান্তৰ কথা সদৰি কৰে দেৱালয়খনৰ দলৈ ৰঞ্জিত মিশ্ৰই ৷