কৰ'ণাৰ গ্ৰাসত হেৰাই যাব নেকি নলবাৰীৰ জাপি শিল্প ?

অতীজৰে পৰা সংস্কৃতিৰ বৰঘৰ শুৱনি কৰি অহা নলবাৰীৰ বিখ্যাত জাপিৰ আছে এক সুকীয়া পৰিচয় ৷ কিন্তু সমগ্ৰ বিশ্বতে ত্ৰাসৰ সৃষ্টি কৰা মহামাৰী কৰ'ণাই দেশ তথা ৰাজ্যৰ ক্ষুদ্ৰ উদ্যোগসমূহলৈ লৈ আহিছে সংকট । সাতামপুৰুষীয়া এই উদ্যোগটো বন্ধ হৈ আছে বিগত বছৰৰ পৰা ৷ এইবেলি বিহু অনুষ্ঠিত হোৱাৰ আশা পুহি ৰাখিছিল যদিও পুনৰ মহামাৰীৰ সংহাৰ আৰম্ভ হোৱাত দিকবিদিক হেৰুৱাই পেলাইছে শিল্পীসকলে ৷

নলবাৰী,29 এপ্ৰিল: অসমীয়া লোক-সংস্কৃতিৰ পৰিচয় বহন কৰা জাপি শিল্পলৈ নামি আহিছে অশনি সংকেত ৷ নলবাৰীৰ জাপি শিল্পক ক্ৰমাৎ যেন গ্ৰাস কৰিব লৈছে কাল কৰ'ণাই ৷ অতীজৰে পৰা সংস্কৃতিৰ বৰঘৰ শুৱনি কৰি অহা নলবাৰীৰ বিখ্যাত জাপিৰ আছে এক সুকীয়া পৰিচয় ৷ কিন্তু সমগ্ৰ বিশ্বতে ত্ৰাসৰ সৃষ্টি কৰা মহামাৰী কৰ'ণাই দেশ তথা ৰাজ্যৰ ক্ষুদ্ৰ উদ্যোগসমূহলৈ লৈ আহিছে সংকট । সাতামপুৰুষীয়া এই উদ্যোগতো বন্ধ হৈ আছে বিগত বছৰৰ পৰা ৷

কেৱল মাত্ৰ জাপি ব্যৱসায়ৰ ওপৰত নিৰ্ভৰ কৰি পেটৰ ভাত মোকোলোৱা জিলাখনৰ কৰ্দৈতোলা, মুগকুছি, বালা মুগকুছি, তিলানা, তেৰেছিয়া আদি গাঁৱৰ জাপি শিল্পীসকলৰ জীৱনলৈ নামি আহিছে ভাবুকি ৷ এইবেলি বিহু অনুষ্ঠিত হোৱাৰ আশা পুহি ৰাখিছিল ৷ কিন্তু পুনৰ মহামাৰীৰ সংহাৰ আৰম্ভ হোৱাত দিকবিদিক হেৰুৱাই পেলাইছে শিল্পীসকলে ৷

বিগত বৰ্ষত কৰ'ণাসৃষ্ট পৰিৱেশৰ বাবে ৰাজ্যত সাংস্কৃতিক অনুষ্ঠান অনুষ্ঠিত নোহোৱাৰ বাবেই আৰ্থিক সংকটত পৰিবলগীয়া হৈছে জাপি নিৰ্মাণেৰে পৰিয়াল পোহপাল দিয়া পৰিয়ালসমূহে ৷ হাজাৰ হাজাৰ জাপিৰ বাবে বিভিন্ন অনুষ্ঠানে আগধন দিছিল যদিও সেয়াও উভতাই দিবলগীয়া হ'ল সমিতিসমূহক ৷ ৰাজ্যৰ বিভিন্ন প্ৰান্তৰ মঞ্চ শুৱনি কৰা নলবাৰীৰ এইসকল জাপি শিল্পীক চৰকাৰে বিগত বৰ্ষত আৰ্থিক সাহায্য প্ৰদান কৰিছিল ৷ কিন্তু ইয়াৰ মাজতে প্ৰকৃত জাপি শিল্পীসকল বঞ্চিত হোৱাৰ অভিযোগ উত্থাপন হৈছে ৷

লগতে পঢ়ক: কুশলে আছে ৰংঘৰ-কাৰেংঘৰ