নলবাৰীত জিলা কংগ্ৰেছৰ প্ৰতিবাদ

ৰাজ্যিক কমিটিৰ নিৰ্দেশ মৰ্মে দেওবাৰৰ পৰা তিনিদিনীয়াকৈ ৰাজ্যৰ বিভিন্ন জিলাৰ সদৰত থকা পেট্ৰল পাম্পসমূহত ভাৰতীয় জাতীয় কংগ্ৰেছ কমিটি আৰু ব্লক কংগ্ৰেছৰ উদ্যোগত প্ৰতিবাদী কাৰ্যসূচী ৰূপায়ন কৰা হয় । নলবাৰীতো জিলা কংগ্ৰেছৰ পেট্ৰল পাম্পৰ সন্মুখত প্ৰতিবাদ ।

নলবাৰী, ২২ ফেব্ৰুৱাৰী: সমাগত বিধানসভা নিৰ্বাচন । ৰাজনৈতিক নেতা-মন্ত্ৰী নিৰ্বাচনৰ প্ৰচাৰত ব্যস্ত হোৱাৰ বিপৰীতে ৰাজ্যৰ ঠায়ে-ঠায়ে অব্যাহত প্ৰতিবাদ । অত্যাৱশ্যকীয় সামগ্ৰীৰ লগতে ইন্ধনজাত সামগ্ৰীৰ মূল্যবৃদ্ধি ৰোধৰ দাবীত অব্যাহত আছে প্ৰতিবাদ । ভাৰতীয় জাতীয় কংগ্ৰেছ কমিটিৰ উদ্যোগত ৰাজ্যৰ বিভিন্ন প্ৰান্তৰ লগতে নলবাৰীতো পেট্ৰল, ডিজেল, ৰন্ধন গেছৰ মূল্যবৃদ্ধিৰ বিৰুদ্ধে প্ৰতিবাদ সাব্যস্ত কৰে ।

ৰাজ্যিক কমিটিৰ নিৰ্দেশ মৰ্মে, দেওবাৰৰ পৰা তিনিদিনীয়াকৈ ৰাজ্যৰ বিভিন্ন জিলাৰ সদৰত থকা পেট্ৰল পাম্পসমূহত ভাৰতীয় জাতীয় কংগ্ৰেছ কমিটিৰ উদ্যোগত প্ৰতিবাদী কাৰ্যসূচী ৰূপায়ন কৰা হয় । নলবাৰীতো জিলা কংগ্ৰেছে ভাৰতীয় টকীজৰ সম্মুখৰ পেট্ৰল পাম্পত সাব্যস্ত কৰে এই প্ৰতিবাদ । সোমবাৰৰ এই প্ৰতিবাদত নলবাৰী জিলাৰ কংগ্ৰেছ কৰ্মীসকলে মূল্যবৃদ্ধি হাই হাই, মোডী চৰকাৰ হাই হাই আদি শ্লোগানেৰে উত্তাল কৰি তোলে ।

লগতে পঢ়ক: মৰিগাঁৱত ভয়ংকৰ অগ্নিকাণ্ড