পানীযুঁৱলীত পেলাই থৈ গ’ল দেৱ শিশু

নলবাৰী জিলাৰ সীমান্তৱৰ্তী বাক্সা জিলা বৰবৰী থানাৰ অন্তৰ্গত পাখামাৰা গাঁৱত দিৰিং নৈৰ দলঙৰ তলত পানীযুঁৱলীত এটি দেৱশিশু উদ্ধাৰ ৷ শনিবাৰে নিশা কোনো অজ্ঞাত লোকে পেলাই থৈ যোৱা শিশুটি উদ্ধাৰ কৰে স্থানীয় ৰাইজে ৷

নলবাৰী,6 ডিচেম্বৰ : নলবাৰীত শনিবাৰে নিশা এটি দেৱশিশু উদ্ধাৰক লৈ সমগ্ৰ নলবাৰী জিলাত সৃষ্টি হৈছে তীব্ৰ চাঞ্চল্যৰ ৷ প্ৰাপ্ত তথ্য় অনুসৰি, নলবাৰী জিলাৰ সীমান্তৱৰ্তী বাক্সা জিলা বৰবৰী থানাৰ অন্তৰ্গত পাখামাৰা গাঁৱত দিৰিং নৈৰ দলঙৰ তলত পানীযুঁৱলীত কোনো অজ্ঞাত লোকে পেলাই থৈ যায় এটি দেৱশিশু ৷

প্ৰত্যক্ষদৰ্শী স্থানীয় ৰাইজে কান্দোন শুনি শিশুটি উদ্ধাৰ কৰে আৰু স্থানীয় আৰক্ষীৰ সহযোগত শিশুটিৰ উন্নত চিকিৎসাৰ বাবে নলবাৰী শ্বহীদ মুকুন্দ কাকতি অসামৰিক চিকিৎসালয়ত ভৰ্তি কৰে ৷ বৰ্তমান শিশুটি সুস্থ বুলি চিকিৎসকে জানিবলৈ দিয়ে ৷

লগতে পঢ়ক :কলিয়াবৰত বন্য়হস্তীৰ মুক্ত বিচৰণত আতংকিত ৰাইজ