নলবাৰী, 6 মে’: কৰ’ণাৰ ভয়াৱহতাৰ মাজতে বৃহস্পতিবাৰে নলবাৰীত ব্ৰাউন চুগাৰসহ দুজনক আটক কৰে আৰক্ষীয়ে ৷ জিলাখনত ৰমৰমীয়া ব্যৱসায় অব্যাহত ৰখা ড্ৰাগছ ব্যৱসায়ীৰ বিৰুদ্ধে অভিযান চলাই দুজন সৰবৰাহকাৰীক আটক কৰিবলৈ সক্ষম হয় নলবাৰী আৰক্ষীয়ে ৷
নলবাৰীত ব্ৰাউন চুগাৰসহ দুজনক আটক
নলবাৰী আৰক্ষীৰ বিশেষ অভিযানত বৃহস্পতিবাৰে কৈঠালকুছিৰ জোৱাৰ্দিত জব্দ হয় 11.49 গ্ৰাম ব্ৰাউন চুগাৰ আৰু আটক কৰা হয় দুজনকৈ সৰবৰাহকাৰীক ৷ দীৰ্ঘদিন ধৰি জিলাখনত অব্যাহত আছে ড্ৰাগছৰ ৰমৰমীয়া বেহা ৷
ব্ৰাউন চুগাৰসহ দুজনক আটক
আৰক্ষীৰ বিশেষ অভিযানত কৈঠালকুছিৰ জোৱাৰ্দিত জব্দ হয় 11.49 গ্ৰাম ব্ৰাউন চুগাৰ ৷ আটকাধীন যুৱক দুজন ক্ৰমে- গামৰিমুৰী গাঁৱৰ মাজুতোলা চুবুৰীৰ মৃণাল ডেকা আৰু সঞ্জয় ডেকা ৷ আনহাতে জব্দকৃত ব্ৰাউন চুগাৰখিনিৰ মূল্য প্ৰায় 40 হাজাৰ টকা বুলি জানিব পৰা গৈছে ৷
লগতে পঢ়ক :গহপুৰত আটক দুই চোৰাং গঁড় চিকাৰী