নলবাৰী,8 জুন: বিগত কিছুদিন ধৰি হৈ থকা নেৰানেপেৰা বৰষুণৰ ফলত নোনা নৈৰ জলস্তৰ বৃদ্ধি পাইছে ৷ নোনা নৈৰ বাঢ়নী পানীয়ে ঘগ্ৰাপাৰ ৰাজহ চক্ৰৰ অন্তৰ্গত নাৰিকুছিৰ বুৰবুৰীত মথাউৰিৰ ফালে গতি কৰি খহনীয়াৰ সৃষ্টি কৰাত নৈপৰীয়া ৰাইজৰ মাজত হাহাকাৰ পৰিস্থিতিৰ সৃষ্টি হোৱা পৰিলক্ষিত হৈছে ।
নলবাৰী বিধানসভা সমষ্টিৰ বিধায়ক তথা মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাৰ নিৰ্দেশ অনুসৰি সোমবাৰে ভাৰতীয় জনতা পাৰ্টীৰ এটা দলে মথাউৰিটো পৰিদৰ্শন কৰে । বিজেপিৰ দলটোৱে নলবাৰী জিলাৰ জলসম্পদ বিভাগৰ শীৰ্ষ বিষয়াৰ উপস্থিতিত মথাউৰিটো পৰিদৰ্শন কৰি সাম্ভাৱ্য বিপদৰ পৰা অঞ্চলবাসীক সুৰক্ষা প্ৰদানৰ বাবে বিহিত ব্যৱস্থা গ্ৰহণৰ বাবে বিভাগক নিৰ্দেশ দিয়ে ৷