ভাৰতবৰ্ষত ২৫ বছৰলৈ নাহে কংগ্ৰেছৰ চৰকাৰঃ চন্দ্ৰ মোহন পাটোৱাৰী

নলবাৰীত পূৰ্ণ গতিত অব্যাহত আছে বিজেপিৰ সদস্য ভৰ্তি অভিযান ৷ অসমৰ উন্নয়নৰ স্বাৰ্থত সকলোৱে যোগদান কৰক ভাৰতীয় জনতা পাৰ্টিতঃ মন্ত্ৰী চন্দ্ৰ মোহন পাটোৱাৰী

নলবাৰী, 19 আগষ্টঃ " ভাৰতবৰ্ষত আৰু 25 বছৰলৈ কংগ্ৰেছ চৰকাৰ আহিব নোৱাৰে তাৰ গেৰান্টি আছে " ৷ দেওবাৰে নলবাৰী জিলাৰ চামতাত অনুষ্ঠিত হোৱা বিজেপিৰ সদস্য ভৰ্তি অভিযানত উপস্থিত থাকি এই মন্তব্য কৰে ধৰ্মপুৰ সমষ্টিৰ বিধায়ক তথা অসম চৰকাৰৰ পৰিবহণ মন্ত্ৰী চন্দ্ৰমোহন পাটোৱাৰীয়ে ৷ ইয়াৰোপৰি অসমৰ উন্নয়নৰ স্বাৰ্থত সকলোকে ভাৰতীয় জনতা পাৰ্টিত যোগদান কৰিবলৈ আহ্বান জনাই মন্ত্ৰী গৰাকীয়ে ৷ বিজেপিৰ সদস্য ভৰ্তিৰ এই অভিযানত মন্ত্ৰী পাটোৱাৰীৰ লগতে কেইবাগৰাকীও বিজেপি নেতা উপস্থিত থাকে ৷ উল্লেখযোগ্য যে, এই সদস্য ভৰ্তি অভিযানত বহু সংখ্যক কংগ্ৰেছ কৰ্মীয়ে বিজেপিত যোগদান কৰে ৷