নলবাৰীত ভাগ্যদেৱী থিয়েটাৰ ২০২২-২৩ বৰ্ষৰ নাটৰ শুভাৰম্ভণি

অসমৰ আগশাৰীৰ ভ্ৰাম্যমাণ নাট্যগোষ্ঠী সোণালী জয়ন্তী অতিক্ৰম কৰা নলবাৰীৰ মৰোৱাৰ থিয়েটাৰ ভাগ্যদেৱীৰ আৰম্ভ হ’ল এই বৰ্ষৰ মঞ্চ যাত্ৰা (Bhagyadevi theatre in Nalbari) এই অনুষ্ঠানত উপস্থিত থাকে অসম চলচিত্ৰ বিত্তীয় নিগমৰ অধ্যক্ষ সীমান্ত শ্বেখৰ ।

নলবাৰী, 8 ছেপ্টেম্বৰ:এয়া ভ্ৰাম্যমাণৰ বতৰ । অসমৰ আগশাৰীৰ ভ্ৰাম্যমাণ নাট্যগোষ্ঠী সোণালী জয়ন্তী অতিক্ৰম কৰা নলবাৰীৰ মৰোৱাৰ থিয়েটাৰ ভাগ্যদেৱীৰ আৰম্ভ হ’ল এই বৰ্ষৰ মঞ্চ যাত্ৰা (Bhagyadevi theatre in Nalbari) । বুধবাৰে মৰোৱা শংকৰদেৱ ক্ষেত্ৰত নাট্যগোষ্ঠীটোৰ শুভাৰম্ভণি হয় নাট প্ৰদৰ্শনী । এই অনুষ্ঠানত উপস্থিত থাকে অসম চলচিত্ৰ বিত্তীয় নিগমৰ অধ্যক্ষ সীমান্ত শ্বেখৰ ।

থিয়েটাৰ ভাগ্যদেৱীৰ নাট উদ্ধোধন কৰি চলচ্চিত্ৰ বিত্ত নিগমৰ অধ্যক্ষগৰাকীয়ে কয় যে এইবাৰ থিয়েটাৰসমূহৰ প্ৰদৰ্শনীসমূহত জনসমুদ্ৰৰে ভৰি পৰিছে ৷ এইবাৰ ৰাইজে বিপুল সহাৰি দিছে ৷ থিয়েটাৰ উদ্যোগটো থন ধৰি উঠিব বুলি আমি আশাবাদী ৷ থিয়েটাৰৰ ক্ষেত্ৰত মুখ্যমন্ত্ৰীৰ অৱদান অতুলনীয় ৷ কলা-সংস্কৃতিক আমি কেৱল বিনোদনৰ অংশ হিচাপে নাৰাখি জীৱিকা নিৰ্বাহৰ এক পথস্বৰূপে আগুৱাই নিয়াত গুৰুত্ব প্ৰদান কৰিব লাগিব ৷

লগতে তেওঁ কয় যে ভ্ৰাম্যমাণ থিয়েটাৰত ছিণ্ডিকেট শুনিবলৈ পোৱা নাই ৷ কিন্তু যদি কোনোৱে চাকৰিৰ নামত হওক বা কলা সংস্কৃতিৰ নামত চিণ্ডিকেট কৰে এক চেকেণ্ডত জেলত যাব ৷

নাট্যদলটোৱে পুস্পা, মোক বিদায় দিয়া আৰু বিদ্ৰোহিনী নাট মঞ্চস্থ কৰে ৷ উল্লেখযোগ্য যে নাট্যদলটিত অভিনয় কৰিছে যোগেশ কাশ্যপ ,অঞ্জনজ্যোতি বেজ,কবিতা চুতীয়া, মুহি বৰাকে ধৰি নৱীন প্ৰৱীণ শিল্পীয়ে । নাট্যদলটিক লৈ আশাবাদী প্ৰয়োজক সুবোধ মজুমদাৰ ৷

লগতে পঢ়ক:বৰাক উপত্যাকাৰ পৰা নিৰ্মাণ হৈছে অসমৰ প্ৰথমখন বাংলা চিনেমা