অভিনেতা কুলদা কুমাৰ ভট্টাচাৰ্যলৈ ২০২০ বৰ্ষৰ ভবেনবৰুৱা বঁটা

অভিনেতা কুলদা কুমাৰ ভট্টাচাৰ্যলৈ আগবঢ়ালে 2020 বৰ্ষৰ ভবেন বৰুৱা বঁটা ৷ বৃহস্পতিবাৰে অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিয়ে সংবাদমেলযোগে ঘোষণা কৰে এই কথা ৷

নলবাৰী, 28 আগষ্টঃ অসম জাতীয়তাবাদী যুৱ ছাত্ৰ পৰিষদৰ নলবাৰী জিলা সমিতিয়ে বৃহস্পতিবাৰে ঘোষণা কৰে 2020 বৰ্ষৰ ভবেন বৰুৱা বঁটা ৷ বিশিষ্ট অভিনেতা, নাট্যকাৰ, আবৃত্তিকাৰ, জ্যোতি চিত্ৰবনৰ প্ৰতিষ্ঠাপক সঞ্চালক, লণ্ডনত মঞ্চকলা ফিল্ম আৰু টেলিভিছনৰ বিষয়ত পেচাদাৰী প্ৰশিক্ষণ গ্ৰহণ কৰা স্বনামধন্য নাট্যশিল্পী কুলদা কুমাৰ ভট্টাচাৰ্যলৈ আগবঢ়াই এই বঁটা৷ শিল্পী গৰাকীলৈ আগবঢ়োৱা এই বঁটাত আছে নগদ দহ হেজাৰ টকাৰ লগতে মানপত্ৰ আৰু শৰাই । বৃহস্পতিবাৰে পৰিষদৰ জিলা সমিতিৰ কাৰ্যলয়ত এখন সংবাদমেল সম্বোধন কৰি এই কথা ঘোষনা কৰে জিলা সমিতিৰ সম্পাদক নিৰোদ দাসে ।

উল্লেখযোগ্য যে, ২০০৯ চনৰ পৰা প্ৰতি বছৰে ভবেন বৰুৱা শিশু নাট প্ৰতিযোগিতাত অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিয়ে একোজন বিশিষ্ট ব্যক্তিক এই বঁটাৰে সন্মানিত কৰি আহিছে ।

আৰু পঢ়কঃ-ভাৰত-ম্যানমাৰ সীমান্তত আটক তিনি আলফা কেডাৰ