কা বাতিলৰ দাবীৰে মুখত ক'লা কাপোৰ বান্ধি আছুৰ বিক্ষোভ

নলবাৰীত আছুৰ বিক্ষোভ কাৰ্য্যসূচী । দেশৰ প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহৰ অসম ভ্ৰমণৰ সময়তেই পুনৰ সদৌ অসম ছাত্ৰ সন্থাৰ প্ৰতিবাদত উত্তাল হৈ পৰিছে ৰাজ্য।

নলবাৰী,23 জানুৱাৰী : দেশৰ প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহৰ অসম ভ্ৰমণৰ সময়তেই পুনৰ সদৌ অসম ছাত্ৰ সন্থাৰ প্ৰতিবাদ ৷

কা বাতিলৰ দাবীৰে মুখত ক'লা কাপোৰ বান্ধি আছুৰ বিক্ষোভ

নাগৰিকত্ব সংশোধনী আইন আৰু পৰিৱেশ আইন বাতিল কৰাৰ দাবীত শুকুৰবাৰে জোঁৰ লৈ প্ৰতিবাদ সাব্যস্ত কৰাৰ পিছতেই আজি সংগঠনটোৱে জিলা সদৰত মুখত ক'লা কাপোৰ বান্ধি ৰূপায়ন কৰিছে বিক্ষোভ কাৰ্য্যসূচী ।

ইপিনে নলবাৰীৰ ছহিদ ভৱনৰ সন্মূখত আছু কৰ্মী সকলে চৰকাৰ বিৰোধী বিভিন্ন শ্ল'গান দি 'কা আৰু 'ই আই এ' বাতিলৰ দাবী জনাই তীব্ৰ প্ৰতিবাদ সাব্যস্ত কৰে৷ উল্লেখ্য যে, আছু কৰ্মী সকলে কা বাতিল কৰি দেশৰ প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহক খিলঞ্জীয়াৰ বাবে সাংবিধানিক ৰক্ষাকৱচ প্ৰদান কৰাৰ লগতে 6 নং দফাৰ প্ৰতিবেদন কাৰ্য্যকৰী কৰিবলৈ দাবী জনায় ।

লগতে পঢ়ক:ভোগদৈত বিসৰ্জন প্ৰয়াত প্ৰাক্তন মুখ্যমন্ত্ৰীৰ চিতাভস্ম