নলবাৰী,12জুলাইঃ বিজেপি নেতা জয়ন্ত মল্ল বৰুৱাৰ বিৰুদ্ধে সোচ্ছাৰ নলবাৰী জিলা ছাত্ৰ সন্থা । আছু সন্দৰ্ভত বৰুৱাই কৰা মন্তব্যক উভতি ধৰিলে নলবাৰী জিলা আছুৰ নেতৃত্বই ৷ "জয়ন্ত মল্ল বৰুৱা চেলেকনি মাছ'', "জয়ন্ত মল্ল বৰুৱা পুৰণি বটলৰ নতুন মদ", "জয়ন্ত মল্ল বৰুৱা মানসিকভাৱে বিকাৰগ্ৰস্ত" আৰু "জয়ন্ত মল্লক মানসিক চিকিৎসাৰ প্ৰয়োজন আছে" আদি মন্তব্যৰে কটাক্ষ কৰে নলবাৰী জিলা ছাত্ৰ সন্থাই ৷
নলবাৰী আছুয়ে উভতি ধৰিলে জয়ন্ত মল্ল বৰুৱাক উল্লেখযোগ্য যে, জয়ন্ত মল্ল বৰুৱাই নলবাৰীত কিছুদিন পূৰ্বে আছু সম্পৰ্কে কৰিছিল বিৰূপ মন্তব্য । প্ৰাক্তন কংগ্ৰেছী জয়ন্ত মল্ল বৰুবাক প্ৰত্যাহ্বান জনাই আছুয়ে নমামী ব্ৰহ্মপুত্ৰ ফিল্ম ফেয়াৰৰ পৰা অসমৰ লাভ কি হ'ল বুলি প্ৰশ্ন কৰে ৷ ইপিনে জয়ন্ত মল্ল বৰুৱা আছুৰ অভিভাৱক নহয় বুলি সকিয়াই দিয়ে ৷ লগতে জয়ন্ত মল্লৰ দিনত নলবাৰীত প্লেনেটৰিয়াম, ৰাস্তা ঘাট, নদৰ্মা একো হোৱা নাছিল বুলি আছুয়ে মনত পেলাই দিয়ে বিজেপি নেতাজনক ।
লগতে পঢ়কঃধনশিৰিত বিধ্বস্ত গড়কাপ্টানী বিভাগৰ পথ
