কপিলী নদীত সন্ধানহীন যুৱক

বৰ্তমানলৈকে পৰিচয় লাভ কৰা নাই সন্ধানহীন যুৱকজনৰ । সন্ধানহীন যুৱকজনৰ দুৰ্ঘটনা নে আত্মহত্যা জানিব পৰা হোৱা নাই ৷

নগাঁও, 10 অক্টোবৰঃ ৰহাৰ বামুণীজানত অঘটন । কপিলী নদীত পৰি সন্ধানহীন এজন যুৱক । ঘটনাস্থলীৰ পৰা উদ্ধাৰ এযোৰ চেণ্ডেল । বৰ্তমানলৈকে পৰিচয় লাভ কৰা নাই সন্ধানহীন যুৱকজনৰ । সন্ধানহীন যুৱকজনৰ দুৰ্ঘটনা নে আত্মহত্যা জানিব পৰা হোৱা নাই । বৃহস্পতিবাৰে স্থানীয় কিছু নৈপৰীয়া লোকে কপিলী নদীত এজন লোক উটি যোৱা দেখা পাই আৰক্ষীক অৱগত কৰে ৷ তাৰ পাচতে ঘটনাস্থলীত আৰক্ষীয়ে SDRF ক লগত লৈ নদীখনত যুৱকজনৰ সন্ধানত অভিযান অব্যাহত ৰাখে যদিও বৰ্তমান পৰ্যন্ত সন্ধানহীন যুৱকজনক উদ্ধাৰ কৰিবলৈ সক্ষম হোৱা নাই ৷