ৰহাৰ সৰাগাঁৱত কপিলী যাত্ৰীবাহী ৰেলৰ খুন্দাত নিহত মহিলা

উক্ত ঠাইখিনিৰে জীয়েকৰ ঘৰৰ পৰা নিজা ঘৰলৈ বুলি যাবলৈ সৰাগাঁও ৰেলপথ অতিক্ৰম কৰিব খুজিছিল মহিলা গৰাকীয়ে । কিন্তু দুৰ্ভাগ্যবশত উক্ত সময়তে সংঘটিত হয় এই ভয়ংকৰ ঘটনাটো ।

নগাওঁ,২৫ অক্টোবৰ: ৰহাৰ সৰাগাঁৱত ভয়ংকৰ দুৰ্ঘটনা। নামনিমুৱা-৭৫৭২৪ নম্বৰৰ কপিলী যাত্ৰীবাহী ৰেলৰ খুন্দাত নিহত হয় এগৰাকী মহিলা । মহিলাগৰাকীৰ নাম দীঘলদৰিৰ বিনু দেৱী বুলি চিনাক্ত কৰা হৈছে । প্ৰাপ্ত খবৰ অনুসৰি উক্ত ঠাইখিনিৰে জীয়েকৰ ঘৰৰ পৰা নিজা ঘৰলৈ বুলি যাবলৈ সৰাগাঁও ৰেলপথ অতিক্ৰম কৰিব খুজিছিল মহিলাগৰাকীয়ে । কিন্তু দুৰ্ভাগ্যবশত উক্ত সময়তে সংঘটিত হয় এই ভয়ংকৰ ঘটনাটো । ঘটনা স্থলীত মহিলা গৰাকীৰ পৰিয়ালৰ লোক উপস্থিত হৈ চিনাক্ত কৰিছে মৃতদেহ ।