নগাঁৱৰ পুৰণিগুদামত মহিলা নিৰুদ্দেশ

নগাঁৱৰ পুৰণিগুদামত নিৰুদ্দেশ হৈছে এগৰাকী মহিলা । বিগত ২ এপ্ৰিলৰ পৰা নিৰুদ্দেশ হোৱা মহিলাগৰাকী মানসিক ভাৱে বিকাৰগ্ৰস্ত বুলি স্বামীয়ে জানিবলৈ দিছে ৷

নগাঁও , 16 এপ্ৰিল: নগাঁৱৰ পুৰণিগুদামৰ পৰা নিৰুদ্দেশ হৈছে এগৰাকী মহিলা ৷ পুৰণিগুদামৰ ন-আলিমূৰৰ পৰা নিৰুদ্দেশ হোৱা মিনা বেগম নামৰ মহিলা গৰাকী বিগত ২ এপ্ৰিলৰ পৰা ঘৰত নাই বুলি পৰিয়ালৰ লোকে জানিবলৈ দিছে ৷

স্বামী কৰিম আলিৰ ভাষ্য মতে, কিছু পৰিমাণে মানসিকভাৱে বিকাৰগ্ৰস্ত মিনা বেগমে তেওঁৰ লগতে দুই পুত্ৰ কন্যাক এৰি ঘৰৰ পৰা একো কাৰণ নোহোৱাকৈ নগাঁৱৰ দিশত বাছত উঠি যোৱা স্থানীয় লোকে প্ৰত্যক্ষ কৰিছিল ৷ ইতিমধ্যে স্বামী কৰিম আলিয়ে ঘটনা সন্দৰ্ভত এখন এজাহাৰ দাখিল কৰিছে ৷ কোনো ব্যক্তিয়ে মিনা বেগমৰ খবৰ পালে ৭০৩৫৮৩১৯৯৬ নম্বৰত যোগাযোগ কৰিবলৈ মহিলা গৰাকীৰ স্বামীয়ে আহ্বান জনাইছে ৷

লগতে পঢ়ক :ইতিমধ্যে স্বামী কৰিম আলিয়ে ঘটনা সম্পৰ্কত পুৰণিগুদাম আৰক্ষী চকীত এজাহাৰ দাখিল কৰিছে।