নগাঁৱত ভূমিকম্পই প্ৰাণ কাঢ়িলে মহিলাৰ

নগাঁৱৰ বেবেজীয়াত ভূমিকম্পৰ ফলত মৃত্যু হয় এগৰাকী মহিলাৰ ৷ ভূমিকম্পৰ সময়ত হৃদক্ৰিয়া বন্ধ হৈ বিচনাৰ পৰা পৰি মৃত্যু হয় মহিলা গৰাকীৰ ৷

নগাঁও,28 এপ্ৰিল: বুধবাৰে পুৱাৰ ভাগত তীব্ৰ ভূমিকম্পই জোকাৰি গৈছে সমগ্ৰ ৰাজ্য ৷ ঢেকীয়াজুলিৰ অভিকেন্দ্ৰৰ পৰা উৎপত্তি হৈছে এই প্ৰলয়ৰ ৷ ভূমিকম্পৰ ফলত বিস্তৰ ক্ষতিসাধন হৈছে ৰাজ্যৰ ভিন্ন প্ৰান্তত ৷

এই ভূমিকম্পৰ ফলত মৃত্যুক সাৱটি লয় নগাঁৱৰ বেবেজীয়াৰ এগৰাকী মহিলাই ৷ বিচনাৰ পৰা পৰি মৃত্যু হয় লাৱণ্য শইকীয়া বৈশ্য নামৰ মহিলাগৰাকী । ভূমিকম্পৰ সময়ত হৃদক্ৰিয়া বন্ধ হৈ মহিলাগৰাকীৰ মৃত্যু হোৱাৰ সন্দেহ প্ৰকাশ কৰিছে স্থানীয় একাংশই ।

লগতে পঢ়ক :কলমপুৰত নিৰ্মীয়মান পকীঘৰৰ বিনষ্ট সাধন