কামপুৰত বনৰীয়া হাতীৰ গছকত প্ৰাণ গ'ল ৬০ বছৰীয়া বৃদ্ধাৰ

পুৱতি নিশা ঘৰৰ বাহিৰলৈ ওলাই আহোতেই বনৰীয়া হাতীয়ে আক্ৰমণ কৰে এগৰাকী 60 বছৰীয়া মহিলাক ৷ বৰপানী সংৰক্ষিত বনাঞ্চলত সংঘটিত হয় এই দুৰ্ঘটনাটো ৷

বঢ়মপুৰ, 21 এপ্ৰিলঃ কামপুৰ বৰবিলত বনৰীয়া হাতীৰ গছকত এগৰাকী ৬০ বছৰীয়া বৃদ্ধাৰ মৃত্যু হয় ৷ বৃদ্ধা গৰাকী পুৱতি নিশা ঘৰৰ বাহিৰলৈ ওলাই আহোতেই বনৰীয়া হাতীয়ে আক্ৰমণ কৰাৰ ফলত মৃত্যু হয় ৷

লক ডাউনৰ মাজতে নগাঁও জিলাৰ কামপুৰ বৰবিলত অঘটন । কামপুৰ কচুৱা থানাৰ অন্তৰ্গত বৰবিলত সোমবাৰে পুৱতি নিশা বনৰীয়া হাতীয়ে মনোমতী ৰাভা নামৰ এগৰাকী ৬০ বছৰীয়া বৃদ্ধাক গছকি হত্যা কৰে ৷ বৃদ্ধা গৰাকীয়ে পুৱতি নিশা ঘৰৰ বাহিৰলৈ ওলাই আহোতেই বনৰীয়া হাতীয়ে গছকি হত্যা কৰে বুলি পৰিয়ালৰ লোকে জানিবলৈ দিয়ে। এই ঘটনাটোৱে সমগ্ৰ অঞ্চলজুৰি চাঞ্চল্যৰ সৃষ্টি হৈছে ৷ স্থানীয় ৰাইজে এই ঘটনাটো আৰক্ষীক অৱগত কৰে ৷ পিচত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে ৷

লগতে পঢ়ক-হাফলঙত লক ডাউন অমান্যকাৰীৰ বিৰুদ্ধে আৰক্ষীৰ কঠোৰ পদক্ষেপ