চামগুৰি,23 ডিচেম্বৰ : নগাঁৱৰ চামগুৰিত দীৰ্ঘদিনৰ পৰা অব্যাহত আছে বন্যহস্তীৰ তাণ্ডৱ ৷ মঙলবাৰে নিশাৰ ভাগতো হাঁহচৰা বৰালী গাঁও,গেন্ধালি,শিঙীয়া আদি অঞ্চলত দিনে-নিশাই উপদ্ৰৱ কৰি অহা তিনিটা বন্যহস্তীৰ জাকে বিচৰণ কৰিছে চামগুৰিৰ ব্ৰহ্মচাৰি সত্ৰ আৰু তেলীয়া-আমনি গাঁৱত ৷
চামগুৰিত বন্যহস্তীৰ উপদ্ৰৱ
আমনি গাঁৱৰ এঘৰত উপদ্ৰৱ চলাই বাসগৃহ লণ্ড-ভণ্ড কৰাৰ লগতে ঘৰৰ গ্ৰীল ভাঙি ঘৰৰ ভিতৰত মজুত ৰখা ধানৰ কেইবাটাও বস্তা খাই তহিলং কৰে বনৰীয়া হাতী জাকটোৱে । অৱশ্যে সমগ্ৰ ঘটনা কিছু পলমকৈ গম পোৱা গৃহস্থই বহু কষ্ট কৰি হাতী কেইটা খেদিবলৈ সক্ষম হয় ৷