নগাঁৱত বন্যহস্তীৰ আতংক

নগাঁৱৰ মৰঙিয়ালত মুক্ত বিচৰণ দুটাকৈ বনৰীয়া হাতীৰ ৷ আতংকিত হৈ পৰিছে সমগ্ৰ অঞ্চলবাসী ৷

নগাঁও,21 আগষ্টঃদুটাকৈ বন্যহস্তীৰ মুক্ত বিচৰণক লৈ আতংক নগাঁৱৰ মৰঙিয়ালত ।বুধবাৰে পুৱাৰ পৰাই অঞ্চলটোত বিচৰণ কৰি ফুৰিছে দুটাকৈ বনৰীয়া হাতীয়ে ৷ বনাঞ্চল এৰি এতিয়া হাতী প্ৰৱেশ কৰিছে জনবসতি অঞ্চলত ৷ খাদ্যৰ সন্ধানত ওলাই অহা হাতী দুটা বৰ্তমান অৱস্থান কৰি আছে মৰঙিয়ালৰ নেমু খেতিত । অৱশ্যে এই পৰ্যন্ত কোনো অনিষ্ট সাধন কৰা নাই হাতী দুটাই । সম্প্ৰতি অঞ্চলটোত সষ্টম হৈ আছে আৰক্ষী আৰু বন বিভাগৰ লোক ।