নগাঁও, 17 মে': চামগুৰিৰ ব্ৰহ্মচাৰি সত্ৰত হঠাৎ উপস্থিত হোৱা এক অনাকাঙ্ক্ষিত অতিথিৰ উপস্থিতিক কেন্দ্ৰ কৰি সৰ্বত্ৰে বিৰাজ কৰিলে তীব্ৰ আতংকই । প্ৰতিবছৰে সত্ৰ খনত আহি বাহৰ পতা আলহীৰ কৰ্মকাণ্ড দেখি শেষত খেদি পঠিয়াবলৈ বাধ্য হয় ব্ৰহ্মচাৰিবাসীয়ে । কাৰণ আলহীজন আহি এফালৰৰ পৰা শেষ কৰি যোৱাৰ উপক্ৰম কৰে ব্ৰহ্মচাৰিৰ খেতি-পথাৰ, ভঁৰাল-ঘৰ, আনকি এৰি থৈ নাযায় গছৰ কঁঠালটোও ।
আলহী গৰাকী হৈছে চামগুৰিৰ ব্ৰহ্মচাৰি সত্ৰলৈ প্ৰতিবছৰে অহা এটা প্ৰকাণ্ড বন্যহস্তী । এইবছৰো ব্ৰহ্মচাৰি সত্ৰলৈ আহিলে সকলোৰে পৰিচিত বন্যহস্তীটো । দিনটো সত্ৰৰ বিভিন্ন অঞ্চলত ঘূৰি-ফুৰি আলহীৰূপী বন্যহস্তীয়ে বিনষ্ট কৰিলে খেতি-পথাৰ, কল-কঁঠালৰ গছ ইত্যাদি । গোটেই দিনটো চৰম আতংকৰ মাজত পাৰ কৰা স্থানীয় ৰাইজে ৷
চামগুৰিৰ ব্ৰহ্মচাৰি সত্ৰত বন্যহস্তীৰ তাণ্ডৱ