নগাঁও, ২৫ জানুৱাৰী: সমগ্র দেশ আৰু ৰাজ্যৰ লগতে নগাঁও জিলাতো সোমবাৰে জিলা প্ৰশাসনৰ উদ্যোগত ৰাষ্ট্ৰীয় ভোটাৰ দিৱস উদযাপন কৰা হয় । ৰাষ্ট্ৰীয় ভোটাৰ দিৱস উপলক্ষে জিলা উপায়ুক্তৰ কাৰ্যালয়ৰ প্ৰাংগণত জিলা উপায়ুক্ত কভিথা পদ্মনাভনৰ সভাপতিত্বত এখন সভা অনুষ্ঠিত হয় । ভোটাৰ দিৱসৰ লগত সংগতি ৰাখি জিলা প্ৰশাসনে আয়োজন কৰা কুইজ আৰু চিত্ৰাংকণ প্ৰতিযোগিতাৰ বিজয়ীসকলক এই সভাতে বঁটা প্ৰদান কৰা হয় ।
নগাঁৱত জিলা প্ৰশাসনৰ উদ্যোগত ৰাষ্ট্ৰীয় ভোটাৰ দিৱস উদযাপন
ৰাজ্যৰ ভিন্ন প্ৰান্তত পালন কৰা হৈছে ৰাষ্ট্ৰীয় ভোটাৰ দিৱস । ন-ভোটাৰৰ মাজত ভোটদান সন্দৰ্ভত সজাগতা সৃষ্টিৰ উদ্দেশ্যেৰে নগাঁৱত চাইকেল ৰেলীৰ আয়োজন । ৰাষ্ট্ৰীয় ভোটাৰ দিৱস উপলক্ষে জিলা উপায়ুক্তৰ কাৰ্যালয়ৰ প্ৰাংগণত বিভিন্ন কাৰ্যসূচী অনুষ্ঠিত কৰা হয় ।
ৰাষ্ট্ৰীয় ভোটাৰ দিৱস উপলক্ষে নগাঁৱত চাইকেল ৰেলীৰ আয়োজন
লগতে ভোটাৰসকলক সজাগ কৰাৰ বাবে জিলা প্ৰশাসনে প্ৰস্তুত কৰা এটি সজাগতামূলক গীত উন্মোচন কৰে পেৰাচাইকেলিষ্ট ৰাকেশ বনিকে । এই সভাত জিলা উন্নয়ন আয়ুক্ত হেমন্ত ভূঞা, নিৰ্বাচনী বিষয়া ৰাজ বৰুৱা প্ৰমুখ্যে বিভিন্ন বিষয়া-কৰ্মচাৰীসকল উপস্থিত থাকে । ইয়াৰ উপৰিও ৰাষ্ট্ৰীয় ভোটাৰ দিৱস উপলক্ষে জিলা প্ৰশাসনে এক সজাগতামূলক চাইকেল ৰেলীৰো আয়োজন কৰে । এই ৰেলীত ৰাকেশ বনিকৰ লগতে বহুসংখ্যক ছাত্ৰ-ছাত্ৰী আৰু জিলা প্ৰশাসনৰ বিষয়া-কৰ্মচাৰীয়ে অংশগ্ৰহণ কৰে ।
লগতে পঢ়ক:ধুবুৰীত ৫টা গভাইত চোৰ আটক