নগাঁও, 3 জুনঃ এইবাৰ আৰক্ষীৰ বিৰুদ্ধে গাঁওৰক্ষী বাহিনীক আক্ৰমণৰ ভয়ংকৰ অভিযোগ ৷ নগাঁও জিলাৰ জাজৰিত সংঘটিত হৈছে এই ঘটনা ৷ বৰ্তমানেও চিকিৎসালয়ত মৃত্যুৰে যুঁজিছে গাঁওৰক্ষী বাহিনীৰ সম্পাদকে ৷ ঘটনাৰ বিৱৰণী মতে,জাজৰিৰ এটা কোৱাৰেণ্টাইন কেন্দ্ৰত কৰ্তব্য পালন কৰি আছিল জাজৰি আৰক্ষী থানাৰ আৰক্ষী পৰেশ শৰ্মা আৰু আতাউৰ ৰহমানে ৷ একে সময়তে গাঁওৰক্ষী বাহিনীৰ দায়িত্ব পালন কৰি কৰ্তব্যত ব্যস্ত আছিল গাঁওৰক্ষী বাহিনীৰ সম্পাদক ফণী বৰা ৷ তেনে সময়তেই ফণী বৰাৰ সৈতে কোনো বিষয়ক লৈ বিতৰ্কৰ সূত্ৰপাত হয় আৰক্ষী বিষয়া দুগৰাকীৰ সৈতে ৷ তাৰ পাছতেই গাঁওৰক্ষী বাহিনীৰ সম্পাদক গৰাকীক গুৰুলা গুৰুলকৈ প্ৰহাৰ কৰে আৰক্ষী দুগৰাকীয়ে ৷
বাক বিতণ্ডাৰ বাবেই আৰক্ষীয়ে প্ৰহাৰ কৰিলে গাঁওৰক্ষী বাহিনীক