চুৰি গাড়ীত চৰকাৰী বিভাগৰ ফলকঃ এজনক আটক

গাড়ী চোৰৰ নতুন কৌশল ৷ গাড়ীত চৰকাৰী বিভাগৰ ফলক ৷ আৰক্ষীৰ নিয়মীয়া তালাচীত দুই গাড়ী চোৰ আটক ৷

কলিয়াবৰ, 7 নৱেম্বৰঃ কলিয়াবৰত মাৰাথন দৌৰ প্ৰতিযোগিতাৰ সময়ত কৰ্তব্যৰত আৰক্ষীৰ জালত পৰিল গাড়ী চুৰি চক্ৰ । বৃহস্পতিবাৰে পুৱা কৰ্তব্যৰত কলিয়াবৰ আৰক্ষীয়ে বৰভগীয়া চাৰিআলিৰ 37 নম্বৰ ৰাষ্ট্ৰীয় ঘাইপথত চলোৱা তালাচী কালত চুৰি গাড়ীৰে সৈতে আটক কৰিবলৈ সক্ষম হয় এটা চোৰক । জব্দকৃত AS-01BS-4607 নম্বৰৰ টাটা চুমু গাড়ীখন গুৱাহাটীৰ পৰা চুৰি কৰি অনা বুলি প্ৰাথমিক তদন্তত প্ৰকাশ কৰে আৰক্ষীয়ে ।

উল্লেখ্য যে, অসম চৰকাৰৰ "Dept. Legal Metrology" বুলি লিখা আছে AS-01-BS-4607 নম্বৰৰ টাটা চুমু গাড়ীখনত। ধৃত গাড়ী চোৰটোৰ নাম চম্পক শৰ্মা। ধৃত চম্পকৰ ঘৰ নলবাৰীত । চম্পকৰ আনজন সহযোগী তালাচীৰ সময়ত পলায়ন কৰে যদিও কলিয়াবৰ আৰক্ষীয়ে পলায়ন কৰা চোৰজনৰ সন্ধানত অনুসন্ধান অব্যাহত ৰাখিছে।
লগতে পঢ়কঃপ্লাষ্টিকমুক্ত ভাৰতঃ ETV BHARATৰ স'তে সহযোগিতা উদ্ভাৱক উদ্ধৱ ভৰালীৰ