ট্ৰাকৰ চকা বিস্ফোৰণ হৈ নিহত 16 বছৰীয়া কিশোৰ

বাগৰিত শোকাৱহ দুৰ্ঘটনা, ট্ৰাকৰ চকাত পাম দি থকা অৱস্থাত চকা বিস্ফোৰণ হৈ নিহত আচাবুল আলি নামৰ এজন 16 বছৰীয়া কিশোৰ ৷

নগাঁও, 29 মাৰ্চঃশুক্ৰবাৰে নগাঁও জিলাৰ সীমামূৰীয়া বাগৰিত এক সংঘটিত হয় এক শোকাৱহ দুৰ্ঘটনা ৷ দুৰ্ঘটনাত মৃত্যুমুখত পৰে ষোল্ল বছৰীয়া এজন কিশোৰ । বাঘমাৰী অঞ্চলৰ কিশোৰজনৰ নাম আচাবুল আলি বুলি জানিব পৰা গৈছে ।

উল্লেখ্য যে, ট্ৰাকৰ চকা মেৰামতি কৰি থকা সময়ত চকাটোত বতাহ ভৰাই থাকোতেই এই দুৰ্ঘটনাটো সংঘটিত হয় । চকাটোৰ বিস্ফোৰণ হোৱাত চকাৰ এটা অংশ এৰাই আহি মূৰত আঘাত কৰাত থিতাতে নিহত হয় কিশোৰজন ৷ পিচত স্থানীয় বাগৰি টহলদাৰী চকীআৰক্ষীয়ে মৰণোত্তৰ পৰীক্ষাৰ বাবে নগাঁও শ্বহীদ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে ৷