কলিয়াবৰ, 29 মাৰ্চ :কলিয়াবৰত আৰক্ষীৰ জালত পৰিছে বহিঃৰাজ্যৰ দুই দুধৰ্ষ ডকাইত (Sulung police arrested two robbers)। সোমবাৰে কলিয়াবৰৰ বৰঘূলীৰ পৰা চুলুং আৰক্ষীয়ে আটক কৰে মণিপুৰৰ দুই ডকাইত । আটকাধীন ডকাইতদুটা ক্ৰমে পিয়েৰচন আৰু ফিৰোজ বুলি জানিব পৰা গৈছে ।
তথ্য অনুসৰি, দুজনীয়া মণিপুৰী ডকাইতৰ দলটোৱে আত্মগোপন কৰি আছিল কলিয়াবৰৰ বৰঘূলিত । এক গোপন তথ্যৰ ভিত্তিত আৰক্ষীয়ে লাভ কৰিছিল এই সন্দৰ্ভত এক তথ্য ৷ তাৰ পাচত আক্ষীয়ে বৰঘূলিত চলাই এক অভিযান । এই অভিযানকালত আৰক্ষীৰ সৈতে হতা-হতিত লিপ্ত হয় ডকাইতৰ দলটো ।
কলিয়াবৰত আটক বহিঃৰাজ্যৰ দুই ডকাইত
কৰ্তব্যৰত আৰক্ষীৰ ওপৰতো আক্ৰমণ কৰে দুজনীয়া ডকাইতৰ দলটোৱে । অৱশেষত আৰক্ষীয়ে আটক কৰিবলৈ সক্ষম হয় দুই মণিপুৰী ডকাইত পিয়েৰচন আৰু ফিৰোজক । চুলুং আৰক্ষীয়ে ডকাইতৰ দলটোৰ পৰা জব্দ কৰে HR-05-AG-9844 নম্বৰৰ এখন চাৰিচকীয়া বাহন ।