চামগুৰি, 16 জুন :নগাঁৱৰ লগতে ৰাজ্যৰ ভিন্ন প্ৰান্তত প্ৰতিদিনে ড্ৰাগছ (Drugs)ৰ ঘাটি উৎখাত কৰাৰ লগতে ড্ৰাগছ সৰবৰাহকাৰী (Drugs Peddler)ক আটক কৰি আছে আৰক্ষীয়ে ৷ অসম আৰক্ষীৰ ড্ৰাগছ বিৰোধী অভিযানত ইতিমধ্যে পুৰুষৰ লগতে বহু মহিলা ড্ৰাগছ সৰবৰাহকাৰী আৰু ড্ৰাগছ আসক্ত আটক হ’বলৈ সক্ষম হৈছে ৷ বুধবাৰে নগাঁও জিলাৰ খাটোৱালৰ গেৰুৱাৰ লেংতা বজাৰৰ পৰা আটক হৈছে দুজনকৈ ড্ৰাগছ সৰবৰাহকাৰী ৷
নগাঁও (Nagaon Police) আৰু খাটোৱাল আৰক্ষী (Khatowal Police)ৰ এক যুটীয়া অভিযানত গোপন সূত্ৰৰ পম খেদি আটক কৰা হয় ধৃত ড্ৰাগছ সৰবৰাহকাৰী দুজনক ৷ মষ্ট ৱাণ্টেড ড্ৰাগছ সৰবৰাহকাৰী জাকিৰ হুছেইন আৰু ইক্ৰামুলক আটক কৰিছে আৰক্ষীয়ে । উল্লেখ্য যে, বিগত কিছুদিনৰ পৰা পলাতক অৱস্থাত আছিল ড্ৰাগছ ব্যৱসায়ী দুজন । ইফালে পূৰ্বতেও কেইবাটাও গোচৰত অভিযুক্ত আছিল ধৃত জাকিৰ হুছেইন । অৱশ্যে আটকাধীন সৰবৰাহকাৰী দুজনৰ পৰা ড্ৰাগছ জব্দ কৰিবলৈ সক্ষম হোৱা নাই আৰক্ষীয়ে ৷
লগতে পঢ়ক :ধেমাজিত অবৈধ সুৰা-ড্ৰাগছ সৰবৰাহকাৰীৰ বাহনলৈ আৰক্ষীৰ গুলীচালনা