নগাঁও, 8 ডিচেম্বৰ:মঙলবাৰে নগাঁও ৰাজীৱ ভৱনত জিলা কংগ্ৰেছৰ উদ্যোগত ৰাজহুৱা আদ্য শ্ৰাদ্ধ অনুষ্ঠিত কৰা হয় । সেই উপলক্ষ্যে সদ্য প্ৰয়াত প্ৰাক্তন মুখ্যমন্ত্ৰী তৰুণ গগৈৰ অস্থি লৈ মঙলবাৰে নগাঁৱত উপস্থিত হয় গগৈ পৰিয়াল ৷ প্ৰয়াত তৰুণ গগৈৰ পত্নী ডলি গগৈ, কন্যা আৰু পুত্ৰ গৌৰৱ গগৈ উপস্থিত হয় নগাঁও ৰাজীৱ ভৱনত ৷ নগাঁও ৰাজীৱ ভৱনত অনুষ্ঠিত শ্ৰদ্ধাঞ্জলি অনুষ্ঠানত আয়োজন কৰা হয় সৰ্বধৰ্মীয় প্ৰাৰ্থনাৰ ৷
পিতৃ তৰুণ গগৈৰ হাঁহি ভাঁহি থাকে গৌৰৱ গগৈৰ চকুত - সদ্যপ্ৰয়াত প্ৰাক্তন মুখ্যমন্ত্ৰী তৰুণ গগৈ
নগাঁও ৰাজীৱ ভৱনত অনুষ্ঠিত হয় সদ্যপ্ৰয়াত প্ৰাক্তন মুখ্যমন্ত্ৰী তৰুণ গগৈৰ আদ্য শ্ৰাদ্ধ ৷ আদ্য শ্ৰাদ্ধৰ লগত সংগতি ৰাখি আয়োজন কৰা হয় সৰ্বধৰ্মীয় প্ৰাৰ্থনাৰ ৷ নগাঁও ৰাজীৱ ভৱনত জিলা কংগ্ৰেছৰ উদ্যোগত তৰুণ গগৈৰ জীৱন পৰিক্ৰমাৰ আধাৰত নিৰ্মিত এখনি তথ্যচিত্ৰৰ শুভ উন্মোচন কৰে সাংসদ পুত্ৰ গৌৰৱ গগৈয়ে ৷
পিতৃ তৰুণ গগৈৰ হাঁহি ভাঁহি থাকে গৌৰৱ গগৈৰ চকুত
তৰুণ গগৈৰ জীৱন পৰিক্ৰমাৰ আধাৰত নিৰ্মিত এখনি তথ্যচিত্ৰ নগাঁও ৰাজীৱ ভৱনত শুভ উন্মোচন কৰে সাংসদ পুত্ৰ গৌৰৱ গগৈয়ে ৷ তথ্য চিত্ৰ প্ৰত্যক্ষ কৰি আৱেগিক হৈ পৰে সকলোৱে ৷ শ্ৰদ্ধাঞ্জলি অনুষ্ঠানত উপস্থিত থাকি গৌৰৱ গগৈয়ে কয়, পিতৃ তৰুণ গগৈ এতিয়াও জনতাৰ মাজতে থকা যেন অনুভৱ হয় ৷ চৌদিশে এতিয়াও তৰুণ গগৈৰ হাঁহি ভাঁহি থাকে ৷
লগতে পঢ়ক:বৰপেটাত 18 গৰাকী নিবনুৱা যুৱকক প্ৰদান চাৰিচকীয়া বাহন