নগাঁও, ১ জুলাই :নগাঁৱত দ্ৰুতগতিত বৃদ্ধি পাইছে কোভিড-১৯ আক্ৰান্তৰ সংখ্যা । নতুনকৈ জিলাখনত পুনৰ ২৩ গৰাকী লোক কোভিড-১৯ ত আক্ৰান্ত হোৱাৰ তথ্য প্ৰকাশ কৰিছে স্বাস্থ্য বিভাগে ।
উল্লেখযোগ্য যে, এই পৰ্যন্ত নগাঁও জিলাত কোভিড-১৯ ত আক্ৰান্ত হৈছে ৬৫৯ গৰাকী লোক । তাৰ ভিতৰত ৪৪৪ গৰাকী সুস্থ হৈ ঘৰলৈ উভতিছে । লগতে, চিকিৎসাধীন হৈ থকা নগাঁও ভোগেশ্বৰী ফুকননী অসামৰিক চিকিৎসালয়ৰ পৰা ১৬ গৰাকী, উজৰা গাঁও মডেল হাস্পতালৰ পৰা ১ গৰাকী আৰু মোৱামাৰী মডেল হস্পিতালৰ পৰা ৪ গৰাকী সুস্থ হোৱা লোকক বুধবাৰে ঘৰলৈ যাবলৈ দিয়া হৈছে ।