3 বজাৰ শীৰ্ষ 10 টা বাতৰি

3 বজাৰ শীৰ্ষ 10 টা বাতৰি

চিৰাং জিলাৰ কাজলগাঁৱৰ এটা তেল ডিপোৰ কৰ্মচাৰীৰ মৃতদেহ উদ্ধাৰ । তিনি কৰ্মচাৰীৰ মাজৰ কাজিয়াৰ ফলত মৃত্যু হয় ডিপোটোৰ মেনেজাৰৰ (Oil depot employee dead)। বাকী দুই কৰ্মচাৰী গুৰুতৰভাৱে আহত । ঘটনাস্থলীত আৰক্ষীৰ শীৰ্ষ বিষয়াসকল উপস্থিত হৈ তদন্ত আৰম্ভ কৰিছে ।

নগাঁৱৰ হয়বৰগাঁৱৰ গোটলাইপট্টিত উদ্ধাৰ হৈছিল এগৰাকী মহিলাৰ মৃতদেহ (Woman body recovered)। আয়েছা ছিদ্দিকি নামৰ প্ৰায় ৫০ বছৰীয়া মহিলাগৰাকীৰ মৃতদেহ ঘৰৰ ভিতৰতে পোৱা গৈছিল । হাত ভৰি বন্ধা অৱস্থাত মৃতদেহটো উদ্ধাৰ হোৱাৰ লগে লগে অঞ্চলটোত তীব্ৰ চাঞ্চল্যৰ সৃষ্টি হৈছিল (Nagaon murder case)।

পঞ্জাবৰ মহাৰাজা ৰঞ্জিত সিঙে আফগানিস্তানৰ নাদিৰ শ্বাহৰ বিৰুদ্ধে যুঁজত জয়ী হোৱাৰ পিছত পুৰীৰ ভগৱানক হীৰাডোখৰ দান কৰিছিল (Maharaja Ranjit Singh donated Kohinoor to Puri Lord) । অৱশ্যে তাক লগে লগে হস্তান্তৰ কৰা হোৱা নাছিল । ইতিহাসবিদ আৰু গৱেষক অনিল ধীৰে জনোৱা মতে, ৰঞ্জিত সিঙৰ ১৮৩৯ চনত মৃত্যু হয় আৰু ১০ বছৰ পিছত ব্ৰিটিছে কহিনুৰ হীৰা তেওঁৰ পুত্ৰ দুলিপ সিঙৰ পৰা লৈ যায় ৷ কিন্তু তেওঁলোকে জানিছিল যে এই হীৰা পুৰীৰ ভগৱান জগন্নাথক প্ৰদান কৰা হৈছিল (Puri Jagannath Temple) ।

স্মাৰ্ট ত্ৰিপুৰা আৰক্ষীৰ প্ৰকৃত ছবি পোহৰলৈ আহিছে । সুদীৰ্ঘ ১২ বছৰৰ অন্তত আৰক্ষীৰ জালত পৰিছে গাৰ্হস্থ্য হিংসাৰ এজন অভিযুক্ত (Tripura police arrest accused after 12 years)। গাৰ্হস্থ্য হিংসাৰ বলি হোৱা পত্নীয়ে স্বামীৰ বিৰুদ্ধে দিছিল গোচৰ ।

সাপেখাতী থানা ঘেৰাও শালকাঠনি চাহ বাগিচাৰ শ শ মহিলাৰ (local women gheraoed Sapekhati police station) । গণপ্ৰহাৰত এজন লোকক হত্যা কৰা ঘটনাক সন্দৰ্ভত আৰক্ষীয়ে দুজনক আটক কৰাৰ পাছতে ৰাইজে ঘেৰাও কৰে থানা ।

সোমবাৰে গভীৰ নিশা উত্তৰ প্ৰদেশৰ ফাৰুখাবাদৰ আকাশত দেখা গ’ল এক অনন্য দৃশ্য(Train of starlink sattellites lights UP sky) । আকাশত একেলগে দেখিবলৈ পোৱা গ'ল উজ্বল তৰাৰ শৃংখলাবদ্ধ গতি ৷ যি এবাৰ ওপৰলৈ গৈছিল আৰু ক্ৰমান্বয়ে তললৈ নামি আহিছিল ৷ এই অলৌকিক ঘটনাৰ ফটো আৰু ভিডিঅ’ সম্প্ৰতি ছচিয়েল মিডিয়াত তীব্ৰ গতিত ভাইৰেল হৈ পৰিছে ।

বৰপেটা জিলাৰ হাউলীত নকল আৰু ভেজাল সুৰা প্ৰস্তুত কৰা কাৰখানা উৎখাত (duplicate liquor factory busted at Hawli Barpeta) ৷ হাউলীৰ জলজলীত কাৰখানা স্থাপন কৰি দীৰ্ঘদিন ধৰি নকল আৰু ভেজাল বিলাতী সুৰা তৈয়াৰ কৰি গোপনে বিক্ৰী কৰা হৈছিল ৷ গোপন সূত্ৰৰ পৰা পোৱা খবৰৰ ভিত্তিত আজি পুৱা বৰপেটাৰ আবকাৰী বিভাগে অভিযান চলায় এই অবৈধ সুৰা কাৰখানাত (Barpeta excise department raids in illegal liquor factory) ৷

আৰক্ষীয়ে ৰঙিয়া হাইৱে চ'কত থকা আচান আলীৰ হোটেল "ফাতেমা"ত অতৰ্কিতে অভিযান চলাই প্ৰায় ১ কেজি গাঞ্জা জব্দ কৰে । জব্দ হোৱা গাঞ্জাখিনিৰ বজাৰ মূল্য কেইবা লক্ষাধিক টকা বুলি আৰক্ষীৰ সূত্ৰত প্ৰকাশ ।

কৰিমগঞ্জত জব্দ প্ৰায় 20,000 হাজাৰ য়াবা টেবলেট (Karimganj police seized yaba tablets) ৷ জব্দকৃত টেবলেটখিনিৰ মূল্য প্ৰায় 1 কোটি টকা ৷ ঘটনা সংক্ৰান্তত আটক কৰা হৈছে এজন লোকক ৷

মাজুলীৰ কৃষি বিভাগত ইটোৰ পাছত সিটো দুৰ্নীতি সংঘটিত হোৱাৰ অভিযোগ (Corruption in Majuli Agriculture Department) । মাজুলীৰ কৃষি বিভাগে ২০১৮-১৯ বৰ্ষত কৃষি বিভাগৰ উদ্যান শস্য বিভাগৰ তৰফৰ পৰা প্ৰদান কৰা Permanent Green House আৰু Small Nursery ৰ নামত এইবাৰ সংঘটিত হৈছে দুৰ্নীতি ।